ORAL. KAZINFORM — Oral qalalyq sotynda bloger Aıbolat Bókenovke qatysty úkim shyqty.
A.Bókenov sot úkimimen alaıaqtyq, bopsalaý jáne qylmystyq jolmen tapqan aqshany zańdastyrý boıynsha aıypty dep tanyldy.
Oǵan úsh jyl merzimge bas bostandyǵynan aıyrý jazasyn qaýipsizdigi ortasha qylmystyq-atqarý júıesi mekemesinde óteý belgilendi.
Tergeý barysynda aýyl jáne birneshe aýdan ákimi, depýtat, sheneýnikter jábirlenýshi retinde tanyldy.
Sottalýshy óz kinásin moıyndady.
Buǵan deıin úıqamaqta bolǵan A.Bókenov sot zalynda tutqyndaldy.
Sot úkimi zańdy kúshine engen joq.
Eske sala keteıik, budan buryn BQO-da sheneýnikti bopsalaǵan blogerdiń ústinen qylmystyq is qozǵalǵanyn jazǵan edik.
Sondaı-aq, Oralda blogerge qatysty sot talqysy bastaldy.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).