ORAL. KAZINFORM – Oral qalasynda «Aıaz»» saýda úıi órtendi.
BQO TJ departamentiniń baspasóz qyzmetinen málim etkenindeı, oqıǵa 7 aqpan kúni Qurmanǵazy kóshesi 127/1-mekenjaıynda boldy.
Foto: BQO Tótenshe jaǵdaılar departamenti«Saǵat 07.05-te bir qabatty «Aıaz» saýda úıinde aýmaǵy 30 sharshy metr materıaldyq zattar, tóbe jaqtaýlary otqa orandy. Sondaı-aq aýmaǵy 10 sharshy metr ishinara shatyr ishin jalyn sharpydy. Zardap shekkender joq. «Tilsiz jaý» saǵat 08.04-te oqshaýlanyp, 09.40-ta aýyzdyqtaldy. Órtti sóndirýge jeke quramnan 46 adam, 15 tehnıka, sondaı-aq apattar medıtsınasy ortalyǵynan 3 adam, 1 tehnıka atsalysty. Qazirgi kezde órttiń shyǵý sebebi, keltirilgen shyǵyn anyqtalý ústinde. Atalmysh saýda úıiniń jalpy aýdany – shamamen 800 sharshy metr», dep habarlady vedomstvodan.
Foto: BQO Tótenshe jaǵdaılar departamentiFoto: BQO Tótenshe jaǵdaılar departamentiFoto: BQO Tótenshe jaǵdaılar departamentiFoto: BQO Tótenshe jaǵdaılar departamenti
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).