Oral qalasynda avtobýsta jol júrý aqysy ózgerdi

<p>Oral qalasynda 1 qańtardan bastap avtobýsta jol júrý aqysy qymbattady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Oral qalasy ákimdiginiń qaýlysyna sáıkes shahar turǵyndary qoǵamdyq kólikte jolaqyny qolma-qol aqshasyz - 100 teńgeden, qolma-qol aqshamen - 200 teńgeden tóleıdi.

Jolaýshylar jańa jylǵa deıin qolma-qol aqshasyz 80, qolma-qol 150 teńgeden tólep kelgen edi.

Jańa tarıfti engizý kezinde avtobýsta jeńildikpen júretin jolaýshylar qatary keńeıtildi.

Atap aıtqanda, zeınetkerler men qulaǵy estimeıtin múgedekter jolaqyny 50 paıyz jeńildikpen tóleıdi.

«Smart Qala Oral» JShS málimeti boıynsha zeınetkerler 1, 2 qańtar demalys kúni bolǵandyqtan, kólik kartalaryn 3 qańtardan bastap qaladaǵy Syrym Datuly 4 (avtovokzal) mekenjaıynan satyp ala alady.

Ol úshin ár zeınetker óziniń jeke kýáligi jáne zeınetaqy kitapshasymen barýy qajet.

Eske sala keteıik, budan buryn Oralda qoǵamdyq kólikterde jolaqy baǵasy kóteriletinin jazǵan bolatynbyz.