Oral qalasynda 2 mln teńge bopsalaǵan turǵyn ustaldy, dep habarlaıdy Kazinform.
BQO Polıtsııa departamenti baspasóz qyzmetiniń málimetine qaraǵanda, ekstremızmge qarsy is-qımyl basqarmasynyń qyzmetkerleri Oral qalasynyń 1984 jylǵy turǵynyn qolǵa túsirdi.
Kúdikti 1992 jylǵy turǵyndy kúsh qoldanamyn qorqytyp, 2 mln teńge bopsalaǵan. Onyń budan buryn da qylmystyq jaýapkershilikke tartylǵany anyqtaldy.
«Uıymdasqan qylmysqa qarsy kúres basqarmasynyń qyzmetkerleri 2004 jáne 2003 jylǵy úsh kúdiktini ustady. Bular Terekti aýdanynyń turǵynynan 250 myń teńge bopsalaǵan. Kúdiktilerdiń barlyǵy Oral qalasy Polıtsııa basqarmasynyń ýaqytsha ustaý ızolıatoryna qamaldy. Atalǵan derekter boıynsha QR QK 194-baby 2-bóligine sáıkes sotqa deıingi tergeý amaldary júrgizilip jatyr. Bul bap boıynsha aıypty dep tanylǵandar múlikterin tárkileı otyryp, úsh jyldan jeti jylǵa deıin bas bostandyǵynan shekteledi nemese bas bostandyǵynan aıyrylady», - dep habarlady vedomstvodan.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).