Oral qalasynan Mysyrǵa qatynaıtyn reıster sany artady

<p>ORAL. KAZINFORM &ndash; 25 qazannan bastap Oral qalasynyń halyqaralyq áýejaıynan Mysyrǵa ushatyn reıster sany artady. Reıster qysqy navıgatsııanyń barlyq kezeńinde oryndalady.</p>

«Oral halyqaralyq áýejaıy» JShS-nyń baspasóz qyzmetinen málim etkenindeı, Sharm-el-Sheıhke ushýdy FlyArystan áýe kompanııasy júzege asyrady.

Oral qalasynan tanymal kýrortqa senbi kúnderi Airbus A320 áýe kemelerimen jetýge bolady. Charterlik reıs 160 oryndyq áýe kemesimen oryndalady. Reıster 2025 jyldyń naýryzyna deıin josparlanǵan.

«Marshrýttyq jelini damytý – bizdiń áýejaı jumysynyń basym baǵyttarynyń biri. Biz óńir turǵyndaryna el ishinde de, shet elderge de suranysqa ıe baǵyttar boıynsha tikeleı reısterdiń qoljetimdi bolýyn qamtamasyz etý úshin jumys istep jatyrmyz», - dedi áýejaıdyń bas dırektory Rýstam Bektemirov.

Qazirgi ýaqytta Oral qalasynan tanymal mysyrlyq kýrortqa Scat Airlines áýe kompanııasynyń reısterimen ushýǵa bolady. Sondaı-aq áýe kompanııasy taılandtyq Phýketke charterlik reısterin qaıta ashyp jatyr.

Eske sala keteıik, budan buryn Oraldaǵy Mánshúk Mámetova atyndaǵy halyqaralyq áýejaıdyń jóndelip jatqanyn jazǵan bolatynbyz.