Oralda kósheden kúrelgen qardy nege qalanyń ishine tógip júr
Oral qalasy ákimdiginen málim etkendeı, qazirgi tańda qala kóshelerinen jınalǵan qar Asan, «Balaýsa» shaǵynaýdany jáne munaı bazasy aýmaǵyndaǵy polıgondarǵa shyǵarylady.
— Teleortalyq aýmaǵyndaǵy polıgondy kommýnaldyq qyzmet sońǵy 10 jyl boıy paıdalandy. Jergilikti turǵyndar ekologııalyq máselelerdiń aldyn alý úshin qar shyǵaratyn oryndy qaıta qaraýdy nemese qar saqtaıtyn balama oryn tabýdy surady. 2024 jyldyń 23 jeltoqsanynda teleortalyq polıgonyna jańa túsken qardy shyǵarý toqtatyldy. Qala ákimdigi qar tazalaý alańynyń ornyn ózgertý jóninde sheshim qabyldap, qazir munaı bazasy aýdanynan arnaıy jer telimin bóldi, — dep habarlady vedomstvodan.
Qala kóshelerin qardan tazalaıtyn merdiger — «Jaıyq taza qala» JShS-da 200-den astam arnaıy tehnıka jáne 350 jumysshy bar.
Qar qalyń jaýyp, qolda bar tehnıka jetpegen jaǵdaıda kásiporyn jeke kásipkerlerden qosymsha tehnıka alý jóninde kelisim jasaǵan.
Ákimdik málimetine qaraǵanda, qańtar aıynda qaladaǵy kóshe-jol jelisin kútip ustaý úshin merdigerdi anyqtaý maqsatynda qalalyq turǵyn úı-kommýnaldyq sharýashylyǵy, jolaýshy kóligi jáne avtomobıl joldary bólimi jańadan konkýrs jarııalaıdy.
Qoǵam belsendisi Andreı Starıchenkov bul máseleni 2019 jyldan beri kóterip kele jatyr.
— Jyl saıyn teleortalyq polıgony zańsyz dep tanylady, biraq qar shyǵarý qaıta jandanady. 2024 jyldyń qańtar aıynda osyǵan jol bergenderge ákimshilik aıyppul da salyndy. Soǵan qaramastan jeltoqsanda atalmysh polıgonǵa qaıtadan qar shyǵaryldy. Ne sebepti bulaı bolyp otyr? — deıdi A.Starıchenkov.
Oral qalasy turǵyn úı-kommýnaldyq sharýashylyǵy, jolaýshy kóligi jáne avtomobıl joldary bólimi basshysynyń orynbasary Erlan Shaıhıev tótenshe jaǵdaılar boıynsha hattamaǵa súıenip, teleortalyq polıgonyna qar shyǵarýǵa ruqsat berilgenin, qazirgi kezde máseleniń sotta qaralyp jatqanyn, naqty eshteńe aıta almaıtynyn jetkizdi.
— «Jaıyq taza qala» JShS-men eki jylǵa 6 mlrd teńgege kelisimshart jasalǵan bolatyn. Oǵan jazda kósheni sypyrý, qysta qar kúreý jáne basqa jumystar kiredi. Eger qardy qalanyń syrtyna shyǵaratyn bolsa, onda bir «KamAZ» avtokóliginiń atqaratyn reısi eki-úsh esege kemıdi. Bul bizge tıimsiz, — deıdi E.Shaıhıev.
BQO boıynsha ekologııa departamenti memlekettik ekologııalyq baqylaý bóliminiń bastyǵy Almataı Jumaǵazıevtyń aıtýynsha, «Jaıyq taza qala» JShS-yna aıyppul salynyp, atalǵan polıgonǵa qar shyǵarýdy toqtatý jóninde uıǵarym berilgen.
— Negizi qala ákiminiń qaýlysy shyǵýy kerek edi. Tek atalǵan bólim basshysy orynbasarynyń haty ǵana bar, onda ótken jyly Asan men «Balaýsa» polıgonyna qosa teleortalyqty da qosyp jibergen. Teleortalyq sý qorǵaý aımaǵynda turǵandyqtan Jaıyq-Kaspıı basseındik ınspektsııasy tekserý júrgizip, aıyppul saldy. Qazirgi kezde BQO boıynsha ekologııa departamenti de «Jaıyq taza qala» JShS-ǵa tekserý júrgizip jatyr. Jergilikti atqarýshy organ polıgonǵa jer bólý kezinde Jaıyq-Kaspıı basseındik ınspektsııasy jáne ekologııa departamentiniń kelisimin alsa, mundaıǵa jol berilmes edi, — deıdi Almataı Jumaǵazıev.
«Volna» baý-baqsha birlestiginde kópten beri turatyn Bolat Aıtýǵanov osyǵan deıin qar shyǵarylyp kelgen teleortalyq polıgony Nazarbaev dańǵylynan alys emestigin, ony abattandyrýǵa bolatynyn aıtady.
— Qardy qalanyń syrtyna shyǵarý kerek. Munaı bazasy aýdany da shahardyń ishinde. Onyń astynan «Qazaqtelekomnyń» talshyqty-optıkalyq jelisi ótedi, oǵan qosa Oral temirjol stantsııasy tıip tur. Olarǵa sý ketse ne bolady? Sondyqtan bul máselede prokýrorlyq yqpal etý sharalary da kerek. Kólik prokýratýrasy da aralasýy qajet, — deıdi B.Aıtýǵanov.
Oral qalalyq máslıhatynyń depýtaty Aıbek Qaıyrǵalıevtiń naqtylaýynsha, «Volna» baý-baqsha birlestiginde qys mezgilinde 50 úıde turǵyndar turady.
— Teleortalyq polıgonyna qatysty máseleni tolyq anyqtaý úshin jeltoqsan aıynda Oral qalasy turǵyn úı-kommýnaldyq sharýashylyǵy, jolaýshy kóligi jáne avtomobıl joldary bólimine depýtattyq saýal joldadym. Jaýap kelgennen keıin ári qaraı jumystanamyz, — dedi A.Qaıyrǵalıev.
Osylaısha qala turǵyndary Oralda sharýashylyqty basqarý jáne aýmaqty damytý boıynsha naqty jospardyń joqtyǵynan osyndaı jaǵdaı týyndaǵanyn aıtyp otyr.
Kásipkerler oıyna kelgenin istemeýi kerek. Bos jer bolsa da, ekologııalyq saraptama jasalýǵa tıis.
«Qazaqtelekomnyń» talshyqty-optıkalyq jelisi bolsa, sol mekemeniń nemese temir jol jaqyn turǵandyqtan Qazaqstan temir jolynyń kelisimin alý qajet.
- Usynystardy jazyp aldym. Jer kodeksine tıisti ózgerister engizý jóninde fraktsııa otyrysynda aqyldasyp, bir sheshimge kelemiz. Taǵy bir aıtarym, qar shyǵarý polıgony Astanadaǵydaı jabdyqtalýy tıis. ıAǵnı qarmen qosa topyraq, tuz jáne basqa qospalar tasylady. Zııandy ýly zattar taramas úshin ony joıý joldaryn da qarastyrý qajet, — deıdi Májilis depýtaty Ashat Raqymjanov.
Eske sala keteıik, budan buryn Oral qalasynda kóshe joldary qardan qalaı tazartylatynyn jazǵan bolatynbyz.
Qala kósheleriniń durys tazalanbaýyna Oral ákimdigi jaýap berdi.