Oral qalasy shetinde seksennen astam qoıdy belgisiz jyrtqysh qyryp ketti
Zachagan kenti ákimdiginen túsken málimetke qaraǵanda, oqıǵa 18 qazan kúni tańǵy 04:00 shamasynda SNP shaǵynaýdany K.Arystanalıev kóshesi 1/3 mekenjaıynda boldy.
«Esengeldi Aıtmuhambetovtiń qorada turǵan 150 bas qoıynyń 86 basyn qyryp ketken. Іzine qaraǵanda, qoıǵa qasqyr shapqan jáne bárin tamaqtaǵan. Úı ıesiniń úsh ıti úıshiginen shyqpaı qalǵan. Oqıǵa ornyna veterınarııa jáne jergilikti polıtsııa qyzmetkerleri baryp, óz kózderimen kórdi. Qazirgi ýaqytta ólgen qoıdyń ushalary mal qorymyna aparyldy», - dep habarlady ákimdikten.
«Qoıyma shapqan ne ekenin ázirge bilmeı turmyn. Іzine qarasań, qasqyr sııaqty. Shıebóri, tipti qańǵybas ıtter bolýy da yqtımal. Qazir ıtter toptalyp júredi. Aq-adal malymnyń qyrylyp qalýyna baılanysty kómek kórsetilse eken», - dedi Kazinform tilshisine mal ıesi E.Aıtmuhambetov.
Eske sala keteıik, budan buryn Aqsaı qalasynda ıt qapqan 5 jasar qyzdyń aýrýhanaǵa túskenin jazǵan bolatynbyz.