Oral qalasy ákiminiń orynbasary taǵaıyndaldy

<p>ORAL. KAZINFORM &ndash; Oral qalasy ákiminiń ókimimen Aslan Tapıshev Oral qalasy ákiminiń orynbasary bolyp taǵaıyndaldy.</p>

Qala ákiminiń baspasóz qyzmetinen málim etkenindeı, Aslan Nurlanuly 1985 jyly Batys Qazaqstan oblysynda dúnıege kelgen. 
Bilimi joǵary. Jáńgir atyndaǵy Batys Qazaqstan agrarlyq-tehnıkalyq ýnıversıteti men Batys Qazaqstan ınjenerlik-gýmanıtarlyq ýnıversıtetin veterınarlyq medıtsına jáne quqyqtaný mamandyqtary boıynsha támamdaǵan.
Eńbek jolyn «Jasyl el» jastar eńbek jasaqtarynyń respýblıkalyq shtaby» BQO fılıalynyń basshysy qyzmetinen bastady.
BQO qoǵamdyq damý basqarmasynyń «Jastar resýrstyq ortalyǵy» KMM basshysy bolyp eńbek etti.
2020 jyldan bastap Batys Qazaqstan oblystyq «Azamattyq alıansy» qaýymdastyǵy» zańdy tulǵalar birlestiginiń prezıdenti qyzmetin atqardy.
Aslan Tapıshev qalalyq jumyspen qamtý jáne áleýmettik baǵdarlamalar, ishki saıasat, mádenıet jáne tilderdi damytý, dene shynyqtyrý jáne sport bólimderiniń qyzmetine jetekshilik etetin bolady.
Eske sala keteıik, budan buryn Oral qalasy ákimi taǵaıyndalǵanyn jazǵan bolatynbyz.