Oral kafesindegi jarylys: jalǵa alýshy qamaýǵa alyndy

<p>Oralda kafedegi jarylysqa qatysty jalǵa alýshy qamaýǵa alyndy, dep habarlaıdy <a href="https://kaz.inform.kz/" target="_blank" rel="noopener">Kazinform </a>BQO prokýratýrasynyń baspasóz qyzmetine silteme jasap.&nbsp;</p>

Prokýratýra málimeti boıynsha «Rizyq» kafesindegi órt pen adamdardyń qaza bolýyna baılanysty BQO TJ departamenti QR QK 292-baby 3-bóligine (eki jáne odan kóp adamnyń ólimine soqtyrǵan órt qaýipsizdigi erejelerin buzý) sáıkes sotqa deıingi tergeý amaldaryn bastady.

«6 qańtar kúni atalǵan qylmystyq quqyqbuzýshylyqty jasaǵan kúdikti qolǵa túsip, ýaqytsha ustaý ızolıatoryna qamaldy. BQO TJ jáne polıtsııa departamentteri qyzmetkerlerinen quralǵan vedomstvoaralyq jedel tergeý toby tergeý josparyna sáıkes qajetti saraptamalardy taǵaıyndady. Іs boıynsha protsessýaldyq prokýrorlar belgilendi. Ózge aqparat QR Qylmystyq is júrgizý kodeksiniń 201-babyna sáıkes jarııalaýǵa jatpaıdy», - dep habarlady vedomstvodan.

Eske sala keteıik, budan buryn Oral kafesindegi jarylys ornynan úshinshi adamnyń denesi tabylǵanyn jazǵan bolatynbyz.