Oral kafesindegi jarylys: jalǵa alýshy eki aıǵa qamaýǵa alyndy

<p>Oral kafesinde jarylys bolyp, úsh adamnyń qaza tabýyna baılanysty jalǵa alýshy sot qaýlysymen eki aıǵa qamaýǵa alyndy, dep habarlaıdy Kazinform.</p>

BQO sotynyń baspasóz qyzmetinen túsken málimetke qaraǵanda, Oral qalasy mamandandyrylǵan tergeý sotynyń qaýlysymen kafeni jalǵa alýshyǵa qatysty eki aıǵa, bıylǵy 6 naýryzǵa deıin qamaýda ustaý túrindegi bultartpaý sharasyn qoldaný búgin sanktsııalandy.

Qaýly 4 kúnde kúshine enedi.

Jalǵa alýshyǵa QR QK 292-baby 3-bólimine (eki jáne odan kóp adamnyń ólimine soqtyrǵan órt qaýipsizdigi erejelerin buzý) sáıkes aıyp taǵylǵan.

Bul bap boıynsha aıypty dep tanylǵan adamǵa 5 jyldan 10 jylǵa deıin bas bostandyǵynan aıyrý jazasy qarastyrylǵan.

Eske sala keteıik, budan buryn Oral kafesindegi jarylys ornynan úshinshi adamnyń denesi tabylǵanyn bolatynbyz.

Sondaı-aq, kafeni jalǵa alýshy qamaýǵa alyndy.