Oral kafesindegi jarylys: zardap shekkenderdiń qazirgi jaǵdaıy belgili boldy

<p>BQO Densaýlyq saqtaý basqarmasynyń basshysy Erlan Toqsanov Oral kafesindegi jarylys kezinde zardap shekkenderdiń jaǵdaıy jóninde aıtyp berdi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Erlan Vılenulynyń aıtýynsha, oqıǵa ornynan Oral qalalyq kópbeıindi aýrýhanasyna barlyǵy 6 adam jetkizilgen.

Dárigerler barlyǵyn qaraǵannan keıin bir er adam ambýlatorııalyq em alýǵa jiberildi.

«Beti men moıyn tusyn jeńil kúıik shalǵan taǵy bir er adam travmatologııa bólimshesine ornalastyryldy. Qalǵan tórteýi jansaqtaý bóliminde, jaǵdaılary óte aýyr. Bireýinde eki jaqty pnevmotoraks, oǵan qosa oń jaq ıyǵy synǵan. Bári de jabyq bas-mı jaraqatyn alǵan. Olardy 52-den 15 paıyzǵa deıin qatty kúıik shalǵan. Jansaqtaý bóliminde jatqan eki er adam – Ózbekstan azamattary. Eki qyz, sondaı-aq travmatologııa bóliminde jatqan er adam – Qazaqstan azamattary», - dedi E.Toqsanov.

Eske sala keteıik, budan buryn Oral qalasynda kafede jarylys bolyp, sońy órtke ulasqanyn jazǵan edik.

Sondaı-aq Oralda kafedegi jarylystan eki adam qaza tapty.

Oral kafesindegi jarylystan jaraqat alǵandardyń tórteýi jansaqtaý bóliminde jatyr.