Oral kafesindegi jarylys: oqıǵa ornynan úshinshi adamnyń denesi tabyldy

<p>Oral kafesindegi jarylys ornynan úshinshi adamnyń denesi tabyldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

BQO TJ departamentiniń baspasóz qyzmetinen málim etkendeı, apattyq-qutqarý jumystary jalǵasyp jatyr.

«Jumys qulaǵan konstrýktsııa sanynyń kóp bolýyna baılanysty qıyndaýda. Oqıǵa ornynda ǵımarattyń qıyndylary qutqarýshylardyń ómirine qaýip tóndirip otyr. Ǵımaratty tolyqtaı qıratý jumystary júrgizilip jatyr. BQO TJ departamenti, polıtsııa, jergilikti atqarýshy organdar men jedel medıtsınalyq járdem kúshterinen barlyǵy 190-nan asa adam jáne 50 tehnıka jumyldyryldy. Oqıǵa ornynda zardap shekkender men qaıtys bolǵan adamdardyń týǵandaryna psıhologııalyq kómek kórsetilip jatyr. BQO TJD shtabynda 8 [phone] nómiri boıynsha jedel jeliniń jumysy jalǵasyp jatyr», - dep habarlady vedomstvodan.

Eske sala keteıik, budan buryn Oral qalasynda kafede jarylys bolyp, sońy órtke ulasqanyn jazǵan edik.

Sondaı-aq Oralda kafedegi jarylystan eki adam qaza tapty.

Oral kafesindegi jarylystan jaraqat alǵandardyń tórteýi jansaqtaý bóliminde jatyr.

Oral kafesindegi jarylystan zardap shekkenderdiń qazirgi jaǵdaıy belgili boldy.