Oral bazaryndaǵy jarylysqa baılanysty qylmystyq is qozǵaldy

<p>ORAL. KAZINFORM &ndash; Oral qalasyndaǵy &laquo;El yrysy&raquo; bazarynda gaz ballony jarylyp, 10 adamnyń zardap shegýine baılanysty qylmystyq is qozǵaldy.</p>

Oral qalasy TJ basqarmasynyń aǵa anyqtaýshysy, azamattyq qorǵaý aǵa leıtenanty Mırlan Tańattyń málim etkenindeı, gaz ballony Qurban aıtqa baılanysty ashyq alańda qoıdyń basyn úıitý kezinde jarylǵan.

Onyń sózine qaraǵanda, osy derek boıynsha QR QK 292-baby 1-bóligine (órt qaýipsizdigi talaptaryn buzý) sáıkes qylmystyq is qozǵalyp, órt-tehnıkalyq saraptama taǵaıyndaldy. Zardap shekkenderdiń ishinde jansaqtaý bóliminde jatqan er adamdardyń biriniń denesin qatty kúıik shalǵan.

BQO Polıtsııa departamentiniń baspasóz qyzmeti atalǵan oqıǵa boıynsha TJ departamenti tergeý amaldaryn júrgizip jatqanyn jetkizdi.

Atalmysh bap boıynsha aıypty dep tanylǵan adam belgili bir laýazymdardy atqarý nemese belgili bir qyzmetpen aınalysý quqyǵynan eki jylǵa deıingi merzimge aıyra otyryp nemese onsyz, úsh myń aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne segiz júz saǵatqa deıingi merzimge qoǵamdyq jumystarǵa tartýǵa ne úsh jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanady.

Eske sala keteıik, budan buryn Oral qalasyndaǵy jarylys saldarynan jansaqtaý bóliminde jatqandar sany 4 adamǵa jetkenin jazǵan bolatynbyz.