Oral áýejaıynda perron men ushaq turatyn orynǵa qaıta qurý jumystary júrgiziledi

ORAL. QazAqparat - Oral áýejaıynda perron men ushaq turatyn orynǵa qaıta qurý jumystary júrgiziletin bolady. Bul týraly «M.Mámetova atyndaǵy halyqaralyq áýejaı» JShS dırektory Azamat Turash málim etti, dep habarlaıdy QazAqparat tilshisi.

Onyń aıtýynsha, Qazaqstan avıatsııa habarlamasy boıynsha Oral áýejaıynyń perrony men ushaq turatyn ornyna Airbus-320 sııaqty massasy úlken ushaqtardy qabyldaýǵa shekteý qoıylady.

«Onyń sebebi - perron men ushaq turatyn oryn eskirgen. Oǵan qaıta qurý jumystaryn júrgizý qajet. Sol sebepti FlyArystan áýe kompanııasy 1 tamyzdan bastap ishki baǵyttaǵy reısterdi toqtatýǵa májbúr bolyp otyr. Onyń ornyna AirAstana áýe kompanııasynyń Embraer sekildi jeńil ushaqtary ushatyn bolady. Perron men ushaq turatyn oryndy qaıta qurý jumystaryn júrgizý 2023-2024 jyldarǵa josparlanyp otyr», dedi QazAqparat tilshisine A.Turash.

Eske sala keteıik, budan buryn FlyArystan Oralǵa jasalatyn ishki reısterdi toqtatanyn jazǵan bolatynbyz.