Oral áýejaıynyń janynan transshekaralyq saýda ortalyǵy qurylady

<p>ASTANA. KAZINFORM &ndash; Úkimet otyrysynda Saýda jáne ıntegratsııa mınıstri Arman Shaqqalıev &laquo;Eýrazııa&raquo; transshekaralyq saýda ortalyǵynda qandaı ónimder óndiriletinin málim etti.</p>

— «Eýrazııa» transshekaralyq saýda ortalyǵy Orynbor, Saratov, Samar qalalaryna jáne Reseıdiń eń iri federaldy okrýgterine, Shyǵys Eýropa elderine shyǵatyn baǵyttarmen baılanys ornatylǵan júk aǵyndarynyń túıindi núktesi bolyp esepteletin Oral qalasynyń áýejaıyna jaqyn aýmaqta ornalasady. Ortalyq jumysyn uıymdastyrý úshin boıaýlar, polımerli jabyndar, plastıkalyq qaptamalar/konteınerler jáne 3D dekor-panelder óndirisine arnalǵan ınvestıtsııalyq jobalardyń ındýstrıaldy aımaǵy qurylǵan (Kazkomservıs, Mis PRO, Smart3D Technology Kazakhstan), — dedi mınıstr.

Arman Shaqqalıev «Eýrazııa» ortalyǵynyń iske qosylýy Batys Qazaqstan oblysyna ekonomıkasyna birneshe baǵytta tyń serpin beretinin aıtty.

Olar:

— júk jáne taýarlardy jetkizýdiń halyq sharýashylyǵyndaǵy úlesin 5-10% -ǵa tómendetý;

— logıstıkalyq shyǵyndardyń tómendeýi esebinen ınflıatsııa deńgeıin tómendetý;

— óndiristerdi ornalastyrý jobalarynyń ınvestıtsııalyq tartymdylyǵyn arttyrý.

— «Eýrazııa» transshekaralyq saýda ortalyǵynyń iske qosylýy 2026 jylǵa josparlanǵan, — dedi Arman Shaqqalıev.