M.Mámetova atyndaǵy Oral halyqaralyq áýejaıynda búgin eki ushaqtyń ushýy keshiktirildi, dep habarlaıdy Kazinform.
«Oral halyqaralyq áýejaıy» JShS baspasóz qyzmetinen málim etkendeı, Fly Arystan áýe kompanııasynyń Oral-Astana baǵytyndaǵy 7366 reısi ýaqytynan 2,5 saǵatqa keshigip ushty.
Bul ushaq áýege saǵat 09.54-te kóterilgen.
Sol sekildi Air Astana áýe kompanııasynyń Oral-Astana baǵyty boıynsha ushatyn 320 reıs te bir saǵattaı ýaqytqa kesheýildep, 10.36-da ushyp ketti.
«Reıs jolaýshylary áýejaı termınalyna ornalastyrylyp, sýsynmen qamtamasyz etildi. Reısterdiń keshigý sebebi — muz qatpaý úshin ushaqqa arnaıy reagent shashatyn mashına isten shyqqan. Keshe ǵana tekserip, daıyndap qoıǵanymen elektronıkasynda qatelikter bolǵan. Aqaý tez arada jóndelgen» dep habarlady vedomstvodan.
Eske sala keteıik, budan buryn Oral halyqaralyq áýejaıynda jóndeý máresine jetkenin jazǵan bolatynbyz.
Sondaı-aq Batys Qazaqstan oblysynda alǵashqy qar jol qatynasyn qıyndatty.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).