Oraq naýqany: Qansha tonna dızel otyny bólindi

NUR-SULTAN. QazAqparat – Kúzgi egis jumystaryna dep dıqandarǵa 440 myń tonna dızel otyny bólingen. Bul týraly QR Energetıka mınıstrligi Munaı tasymaldaý jáne óńdeý departamentiniń dırektory Baýyrjan Sálimgereev ortalyq kommýnıkatsııalar qyzmetinde ótken brıfıngide aıtty, dep habarlaıdy QazAqparat tilshisi.

«Oraq jumystaryn júrgizý jáne jem daıyndaý úshin aýyl sharýashylyǵy taýaryn óndirýshilerdiń atyna 440 myń tonna dızel otyny bólindi. Resýrs ustaýshylardyń bosatý baǵasy «Pavlodar munaı-hımııa zaýytynda» JShS men «PKOP» JShS-da dızeldiń tonnasyn 189 myń teńgeden nemese lıtrin 159 teńgeden, al» Atyraý munaı óńdeý zaýyty» JShS-da tonnasyn 187 myń teńgedene nemese lıtrin qosymsha qun salyǵyn qosqanda 159 teńgeden alýǵa bolady. Jetkizý men saqtaý shyǵyndaryneskere otyryp, dızel otynynyń baǵasy óńirge baılanysty shamamen lıtrine 175-180 teńge bolady. Bul janarmaı quıý stansalaryndaǵy baǵadan arzan», - dedi Baýyrjan Sálimgereev.

Energetıka mınıstrligi ókiliniń sózine qaraǵanda, 20 qyrkúıektegi jaǵdaı boıynsha oraq jumystaryna dep 282 myń tonna dızel otyny jóneltilgen.

«Kúzgi egis jumystary boıynsha shilde jáne tamyz aılarynyń kólemi tolyǵymen jóneltildi, qyrkúıekke málimdelgen kólem boıynsha kelisimshart jasalyp, aqysy tólendi. Endi jóneltý ǵana qaldy Qazan aıynda 28,5 myń tonna dızel jetkiziledi. Mınıstrlik jóneltimderge turaqty monıtorıng júrgizip otyr», - dedi departament dırektory.