Oppengeımerdiń nemeresi klımattyń ózgerýimen kúresý úshin atom energııasyn paıdalanýdy usyndy

<p>ASTANA. KAZINFORM &ndash; ıAdrolyq energetıkalyq tehnologııalardy álemdi joıý úshin emes, ony qutqarý úshin paıdalanýǵa bolady. Bul týraly Ekinshi dúnıejúzilik soǵys kezinde Japonııaǵa tastalǵan atom bombasyn jasaýda mańyzdy ról atqarǵan Robert Oppengeımerdiń nemeresi Charlz Oppengeımer Tokıoda ótken baspasóz máslıhatynda málimdedi, dep jazady <a href="https://www.aa.com.tr/ru/%D0%BC%D0%B8%D1%80/%D0%B2%D0%BD%D1%83%D0%BA-%D0%BE%D0%BF%D0%BF%D0%B5%D0%BD%D0%B3%D0%B5%D0%B9%D0%BC%D0%B5%D1%80%D0%B0-%D0%BF%D1%80%D0%B8%D0%B7%D0%B2%D0%B0%D0%BB-%D0%B8%D1%81%D0%BF%D0%BE%D0%BB%D1%8C%D0%B7%D0%BE%D0%B2%D0%B0%D1%82%D1%8C-%D1%8F%D0%B4%D0%B5%D1%80%D0%BD%D1%83%D1%8E-%D1%8D%D0%BD%D0%B5%D1%80%D0%B3%D0%B5%D1%82%D0%B8%D0%BA%D1%83-%D0%B2-%D0%B1%D0%BE%D1%80%D1%8C%D0%B1%D0%B5-%D1%81-%D0%B8%D0%B7%D0%BC%D0%B5%D0%BD%D0%B5%D0%BD%D0%B8%D0%B5%D0%BC-%D0%BA%D0%BB%D0%B8%D0%BC%D0%B0%D1%82%D0%B0/3240835" target="_blank" rel="noopener">Anadolu</a>.</p>

Áıgili fızıktiń nemeresi klımattyń ózgerýine qarsy kúreste atom energııasyn keńinen paıdalaný qajettigin atap ótti. Oppengeımer ıadrolyq energııasy bar elder arasyndaǵy dıalogty jandandyrý qajettigin de qosa ketti.

Onyń paıymdaýynsha, eger olar qarym-qatynasty arttyrmasa, AQSh, Qytaı jáne Reseı arasyndaǵy shıelenis álemdegi eń úlken qaýipke aınalýy múmkin.

– Ata-babamyzdan, sonyń ishinde meniń atamnan úlgi alamyz dep oılaımyn. Olardyń keńesterin tyńdaý búginde burynǵydan da mańyzdy. Men atom energııasyn ıgilikke paıdalana alatynymyzǵa senemin, – deıdi Oppengeımer.

Oppengeımerdiń nemeresi Japonııanyń ońtústik-shyǵysyndaǵy Hırosımaǵa sapary kezinde Hırosıma beıbitshilik memorıaldyq murajaıynyń dırektory Harada Hıroshımen kezdesti.

Aqparat úshin, amerıkalyq fızık, «atom bombasyn oılap tapqan» Robert Oppengeımerdiń nemeresi 49 jastaǵy Charlz Oppengeımer AQSh-ta turady. Ol atom energııasyn beıbit maqsatta paıdalanýdy qoldaıtyn «Oppenheimer Project» úkimettik emes uıymynyń negizin qalaýshy.