Opyrylǵan asfalt, oılyp ketken jol: Almaty kósheleri jóndelip jatyr
Almaty ákimdiginiń málimetinshe, megapolıste uzyndyǵy 3 097 shaqyrym jol bar. 2023 jyly uzyndyǵy 200 shaqyrym bolatyn 175 kóshedegi jol jabynyna ortasha jóndeý jumystary júrgizildi.
Ortasha jóndeý kezinde jol tósemderiniń tozý qabaty men tegistigin merzimdi qalpyna keltirý, sondaı-aq jer tóseminiń, sý burýdyń, jasandy, qorǵanysh, nyǵaıtý, retteý jáne basqa da jol qurylystarynyń zaqymdanǵan jerlerin túzetý, jol tósemi qıylysta jáne oǵan jaqyn jerde keńeıtiledi nemese taryltady, avtoturaqtar, aıaldama qaltalary men alańdar, trotýarlar men velosıped joly jasalady.
«Aýdandyq ákimdikter aǵymdaǵy jóndeý jumystaryna osy jyldan bastap ókilettikterdi ortalyqsyzdandyrý aıasynda tapsyrys berýshi. Jumys «Jol aktıvteri sapasynyń ulttyq ortalyǵy» ShJQ RMK baqylaýymen júrgiziledi. Synaq jáne saraptama nátıjesi boıynsha anyqtalǵan aqaýlar men eskertýlerdi merdiger uıymdar joıady»,- dep atap ótti ákimdikten.
1. Alataý aýdanynda josparlanǵan 30 myń sharshy metr jol tóseminiń búginge deıin 13 myń sharshy metr jóndeldi. B. Momyshuly kóshesi, F.Ońǵarsynova kóshesi, Shaǵan kóshesi, Shamalǵan kóshesi, Janqoja batyr kóshesi, Áýbákirov kóshesi, Tákejanov kóshesi, Benberın kóshesi, Báıtenov kóshesi, Bekbolat kóshesi, Jalaıyr kóshesi, Shoǵan Abyz kóshesi, Arýana kóshesi, Kókoraı kóshesi, Ahmetov kóshesi, Álmerek Abyz kóshesi, Shuǵyla shaǵyn aýdany, Aınalmaly kóshesi, Ortalyq kóshesi, Qojabergen Jyraý kóshesi, Myńbulaq kóshesi, Sádýaqasov kóshesi, Aqjoltaı kóshesi, Barys kóshesi aǵymdaǵy jóndeýden ótedi. Jumys jyl sońyna deıin jalǵasady.
2. Almaly aýdanynda 25 myń sharshy metr jol tósemine aǵymdaǵy jóndeý jumystary bastaldy. Qazir onyń 23,1 myń sharshy metrinde jumys aıaqtaldy. Aǵymdaǵy jóndeý aıasynda Nazarbaev dańǵyly, Abylaı han dańǵyly, Jeltoqsan kóshesi, Naýryzbaı batyr kóshesi, Seıfýllın dańǵyly, Baıtursynov kóshesi, Nurmaqov kóshesi, Áıtıev kóshesi, Isaev kóshesi, Jambyl kóshesi, Bógenbaı batyr kóshesi, Raıymbek dańǵyly, Vereşagın kóshesi, Qaraótkel kóshesi, Maqataev kóshesi, Bıokombınatskaıa kóshesi, Gogol kóshesi, Tórequlov kóshesi jáne t.b. kóshede jol aqaýlary joıyldy.
3. Áýezov aýdanynda jalpy qalalyq jáne aýlaishilik aýmaqtarda josparlanǵan 50 myń sharshy metr joldyń 3 myń sharshy metrinen astamyna aǵymdaǵy jóndeý júrgizildi. Jumys kepildik mindettemeler aıasynda júrgiziledi. Jandosov kóshesi, Altynsarın dańǵyly, Qabdolov kóshesi, Saıyn kóshesi, Abaı dańǵyly, Qýanyshbaev kóshesi, B.Momyshuly kóshesi, Jubanov kóshesi, Sháımerdenov kóshesi, Raıymbek dańǵyly, Ótegen batyr kóshesi jáne t. b. kóshelerdegi jol aǵymdaǵy jóndeýden ótti. Joldardy aǵymdaǵy jóndeý jumystary jalǵasyp jatyr, olar aýdannyń turaqty baqylaýynda.
4. Bostandyq aýdanyn da qalpyna keltirý josparlanǵan 30 myń sharshy metr jol tóseminiń 16,7 myń sharshy metri jóndeldi. Qazir Araıly, Tsentralnaıa, Salyqov, Asqarov, Ótepov, Egizbaev, Tımırıazev, Jandosov, Jarokov, Masanshy, Dýlatı, Ǵabdýllın kósheleri, Buqar Jyraý býlvary, Qarataev, Qojanov, Myńbaev, Manas, Mustafa Óztúrik, Áýezov kósheleri, Gagarın dańǵyly, Vostochnaıa, Jáńgir han kósheleri jáne Hamıt Erǵalı jaǵalaýy boıynsha 25 kóshede jóndeý jumystary júrgizildi. Aýdanda barlyǵy 100-ge jýyq kóshe aǵymdaǵy jóndeýden ótedi.
5. Jetisý aýdanynda 35 myń sharshy metr jolǵa arnalǵan jol jabynyna aǵymdaǵy jóndeý jumystary bastaldy. Qazir Qazybaev kóshesi, Ratýshnyı kóshesi, Pavlodar kóshesi, Raıymbek dańǵyly, Rysqulov dańǵyly, Súıinbaı dańǵyly, Abylaı han dańǵyly, Jangeldın kóshesi, Jansúgirov kóshesi, Seıfýllın dańǵyly, Jumabaev kóshesi, Muqataı kóshesi, Selskaıa kóshesi, Pervomaıskaıa munaı bazasy, Kúderın kóshesi, Kazakov kóshesi jáne t.b. kóshede 3,7 myń sharshy metr jol tósemi tóseldi. Joldardy aǵymdaǵy jóndeý jumystary jalǵasyp otyr.
6. Medeý aýdanynda Dostyq dańǵyly, Nazarbaev dańǵyly, Jibek joly dańǵyly, Gogol, Maqataev, Qarasaı batyr, Bógenbaı batyr, Jamaqaev, Mámetova kósheleri, Dýman-2 jáne Samal-1, 2 shaǵyn aýdanyndaǵy 7,5 myń sharshy metrden astam jol jóndeldi. Barlyǵy 50 myń sharshy metr jol tósemi jóndeledi.
7. Naýryzbaı aýdanynda Jandosov kóshesi (joǵarǵy tas jol), Dáýletkereı, Ábdildın, Redko, Seıitbekov, Qaramanov, Grýshovaıa, Novaıa, Groza, Tájıev, Qalı Nádirov, Seıdimbek, Altyn Orda, Sháımerdenov, Kenesary han, Qonaev, Úshqońyr, Jandosov, Suranshy batyr, Jansúgirov, Zelenaıa, Kenesary han, Sábdenov, Qydyrbekov, Іzgilik, Vınogradnaıa, Stroıtelnaıa, Arman kósheleri jáne t.b. aýmaqtaǵy 35 myń sharshy metrden astam jol aǵymdaǵy jóndeýden ótedi. Aýdanda shuńqyrlardy, oıyqtardy, jaryqtardy jóndeý, baqylaý qudyqtarynyń lıýkterin túzetý jáne jıektastardy tegisteý boıynsha barlyǵy 45 myń sharshy metr jol tósemin qamtý josparlanǵan.
8. Túrksib aýdanynda búginde Almaty-1 temirjol vokzaly aýdanynda Krasnogorskaıa, Kotelnıkov, Buqtyrma, Gete, Moldaǵalıev, Kassın kóshelerinde 4 myń sharshy metrden astam jol tósemi jóndeldi. Barlyǵy 30 myń sharshy metrge jol jabynyn jóndeý josparlanyp otyr.
«Megapolıs halqyna yńǵaıly bolý úshin jol ınfraqurylymyna arnalǵan Telegram arnada @AlmatyJolybot chat-boty iske qosyldy. Ol arqyly turǵyndar qala jolyndaǵy shuńqyrlardy jóndeýge ótinish bere alady. Buǵan qosa, shuńqyrlar, oıyqtar, sondaı-aq jol tóseminiń zaqymdanýy anyqtalǵan jaǵdaıda aýdan ákimdikteriniń telegram chattary arqyly júginýge bolady»,- dep habarlady ákimdikten.