Operator ROP-tyń burynǵy quryltaıshysy ekstradıtsııalandy

ASTANA. QazAqparat – Sybaılas jemqorlyqqa qarsy qyzmet QR Bas prokýratýrasy jáne Interpoldyń kómegimen halyqaralyq izdeýde júrgen «Operator ROP» JShS-niń burynǵy quryltaıshysy Sh. Muqtarovany Birikken Arab Ámirlikterinen Qazaqstanǵa ekstradıtsııalady, dep habarlaıdy QazAqparat Antıkorǵa silteme jasap.

«Ol «Operator ROP» JShS bas dırektory S. Korotenkomen birge 920 mln teńge jymqyrdy» degen kúdikke ilingen.

27 shilde saǵat 19:01-de Muqtarova Astana qalasy áýejaıynyń aýmaǵynda ustalyp, tergeý ızolıatoryna qamaldy. Sotqa deıingi tergeý jalǵasyp jatyr.

Qylmystyq-protsestik kodeksiniń 201-babyna sáıkes ózge de aqparat jarııa etýge jatpaıdy.

Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.