Operator ROP-tyń burynǵy quryltaıshysy shartty jazamen qutyldy

<p>Astana qalasynyń qylmystyq ister jónindegi mamandandyrylǵan aýdanaralyq soty Shynar Muhtarovaǵa úkim shyǵardy. Sot "Operator ROP" mekemesiniń burynǵy quryltaıshysyna 7 jylǵa shartty jaza berdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

- Sot úkimimen Shynar Oralǵazynqyzy Muhtarova QR QK 28-babynyń 3-bóligi 189-baby 4-bóliginiń 2-tarmaǵynda kózdelgen qylmysty jasaǵany úshin kináli dep tanylyp, 10 jyl kommertsııalyq uıymdarda basshylyq laýazym atqarý quqyǵynan aıyryldy jáne 7 jylǵa sottaldy. Jazasyn qylmystyq-atqarý júıesiniń qaýipsizdigi ortasha mekemesinde óteıdi. Qylmystyq kodekstiń 63-baby 3-bóligi negizinde sottalǵan Muhtarovaǵa probatsııalyq baqylaý belgilensin jáne sottalǵan adamnyń minez-qulqyn baqylaýdy júzege asyratyn ýákiletti organdy habardar etpeı, turǵylyqty jerin, jumys ornyn ózgertpeý mindetteri júktelsin, - dep habarlady Astana qalasynyń qylmystyq ister jónindegi aýdanaralyq soty.

Sonymen qatar, Shynar Muhtarovany qamaýǵa alý túrindegi bultartpaý sharasy sot úkimi zańdy kúshine engenge deıin eshqaıda ketpeý jáne ózin durys ustaý týraly jazbasha mindettemege ózgertildi.

Sýdıa ony sot zalynda bosatýdy tapsyrdy. 

Buǵan deıin Shynar Muhtarova asa iri kólemde aqsha jymqyrdy degen kúdikpen sotqa berilgeni habarlanǵan bolatyn. Oǵan QR QK 28-babynyń 3-bóliginde kózdelgen

«Qylmysty uıymdastyrýshy» jáne QR QK-niń 189-babynyń 4-bóliginiń 2-tarmaǵy «Senip tapsyrylǵan múlikti ıemdený nemese jymqyrý» boıynsha aıyp taǵylǵan bolatyn.

5 shildede ol Dýbaıda ustalyp, Interpoldyń kómegimen Birikken Arab Ámirlikteriniń ýákiletti organdarymen qamaýǵa alyndy.

Keıin Sh.Muhtarova Birikken Arab Ámirlikterinen Qazaqstanǵa ekstradıtsııalandy.