Operator ROP isi boıynsha sottalǵandardyń jazasy ózgerissiz qaldy

<p class="MsoNormal" style="text-align: justify;"><span style="font-size: 18.0pt; line-height: 107%; font-family: 'Times New Roman',serif;">Astana qalasy qylmystyq ister boıynsha aýdanaralyq soty Operator ROP JShS qatysty qylmystyq isti apellıatsııalyq shaǵym boıynsha qaıta qarap, sheshim shyǵardy, dep habarlaıdy<a href="https://kaz.inform.kz/?_gl=1*1o7ovuv*_ga*MTIwMzc3NjY2MS4xNjkzMjIxODUx*_ga_Y44SMVECD5*MTY5NTM3MzkxMy4xNy4xLjE2OTUzNzM5MjIuNTEuMC4w&amp;pk_vid=bf8d2fd96778fe6216953739288ce980" target="_blank" rel="noopener"> QazAqparat</a> tilshisi. </span></p>

Sýdıa Nurlan Baıahmetov sot sheshimimen tanystyra otyryp, barlyq sottalýshyǵa qatysty úkimniń ózgerissiz qalǵanyn aıtty.

Eske salaıyq, 2022 jyldyń 1 sáýirinde 13 mıllıard teńgeden astam aqsha jymqyrdy degen kúdikpen «Operator ROP» JShS-niń burynǵy basqarýshy dırektory qamaýǵa alynǵan edi.

Antıkordyń málimetinshe, qylmystyq is-áreketter 2016-2019 jyldar aralyǵynda «Operator ROP» JShS-niń basqa da qyzmetkerlerimen birlesip jasalǵan.

Eske salsaq, bıyl 3 shildede «Operator ROP» JShS-niń birneshe basshysy men burynǵy Ekologııa jáne tabıǵı resýrstar vıtse-mınıstri Ahmetjan Pirimqulovqa sot úkimi shyqty.

Sottyń úkimimen burynǵy Ekologııa jáne tabıǵı resýrstar vıtse-mınıstri Ahmetjan Pirimqulov 7 jylǵa, «Operator ROP» JShS-niń burynǵy bas dırektory Lıýdmıla Korotenko 7 jylǵa, «Operator ROP» JShS-niń sol kezdegi dırektory Medet Qumarǵalıev 7 jylǵa jáne atalǵan mekemeniń burynǵy qarjy dırektory Rýstam Temirbek 2 jyl merzimge bas bostandyǵynan aıyryldy.

«Sottyń qaýlysymen «Operator» ROP basshylary jáne burynǵy ekologııa vıtse-mınıstrine qatysty úkim ózgerissiz qaldy. Úkimge sáıkes, birinshi satydaǵy sot 2016 jyldan bastap Operator ROP-tyń úsh basshysy jáne ekologııa vıtse-mınıstri kezekpen affılıırlengen kompanııanyń qyzmetterine negizsiz aqy tóleý jolymen asa iri mólsherde bıýdjet qarajatyn birneshe ret urlaǵanyn anyqtady», - dedi sýdıa Nurlan Baıahmetov.

Sondaı-aq sýdıanyń aıtýynsha, burynǵy Ekologııa vıtse-mınıstri ókilettiligin asyra paıdalanyp, zańsyz buıryqqa qol qoıǵan.

«Oǵan sáıkes kabeldik ótkizgish ónimderin óndirýshiler men ımporttaýshylardyń aýyr zardaptarǵa baılanysty keńeıtilgen mindettemeler engizilgen. Sondaı-aq, «Operator ROP» JShS basshylary eks-vıtse-mınıstrdiń kómegimen Qazaqstan aýmaǵynda alty qoqys jaǵatyn zaýyttyń affılıırlengen kompanııasyn salý kezinde JShS shotyndaǵy 180 mıllıard teńgeni urlamaq bolǵan. JShS basshysy dıvıdendter tóleý túrindegi bıýdjet qarajatyn 920 mıllıon teńge kóleminde qoldy etti», - deıdi ol.

Bıyl 27 shildede izdeýde júrgen «Operator ROP» JShS-niń burynǵy quryltaıshysy Sh. Muqtarovany Birikken Arab Ámirlikterinen Qazaqstanǵa ekstradıtsııalady.