OPEK+ otyrysy qarsańynda munaı baǵasy ósip jatyr

SINGAPÝR/MELЬBÝRN. QazAqparat – Seısenbi kúni munaı baǵasy aldaǵy OPEK+ otyrysy qarsańynda ósti. Otyrys osy aptanyń sońynda onlaın ótedi dep kútilýde.

LCO Brent markaly munaı fıýchersteri 1-inen bastap 0,94%-ǵa nemese 36 tsentke, ıaǵnı barreli 38,68 AQSh dollaryna deıin qymbattady, dep habarlaıdy QazAqparat Reuters agenttigine silteme jasap.

West Texas Intermediate (WTI) CLc1 markaly shıki munaı fıýchersteri 0,73%-ǵa (26 tsentke), ıaǵnı barreli 35,70 AQSh dollaryna deıin qymbattady. OPEK+ óndirýshileri shilde nemese tamyz aılarynda munaı óndirýdi táýligine 9,7 mıllıon barrelge (álemdik óndiristiń shamamen 10%) azaıtý máselesin 4 maýsymda bolatyn onlaın-otyrysta qarastyrady.

Sáýirde kelisilgen OPEK+ josparyna sáıkes jetkizilimderdiń rekordtyq qysqarýy mamyr men maýsym aılarynda bastalyp, shilde-jeltoqsan aralyǵynda táýligine 7,7 mln barrelge deıin azaıady.

Derekkózder ótken aptada Reuters agenttigine Saýd Arabııasy munaı óndirýdi aıtarlyqtaı azaıtýdy odan ári jalǵastyrý týraly kelissóz júrgizip jatqanyn aıtty.

Bul uzartý múmkindigi munaı baǵasynyń 40 AQSh dollaryna deıin ósýine ákelýi múmkin ekeni atap ótilgen.