OPEK munaı óndirýdi kúnine mıllıon barrelge tómendetti

ASTANA. QazAqparat - Munaı eksporttaýshy elder uıymynyń (OPEK) músheleri qańtarda shıkizat óndirýdi táýligine bir mıllıon barrelge tómendetti. Bul týraly juma, 10 aqpanda jarııalaǵan halyqaralyq energetıkalyq agenttik (IEA) baıandamasynda aıtylady, dep habarlady reseılik lenta.ru .

Keı óndirýshiler, onyń ishinde Saýd Arabııasy óndirý kólemin talap etilgennen kóbirek qysqartty, dep atap ótiledi IEA materıaldarynda. Bul rette qysqartýdan bosatylǵan Lıvııa, Nıgerııadaǵy ishinara ósimmen orny toldy.

IEA 2017 jyly munaıǵa álemdik suranystyń ósimi boıynsha boljamdy kúnine 100 myń barrelge, kúndelikti 1,4 mıllon bóshkege deıin jaqsartty. Alaıda tutastaı naryq qatysýshylary áliptiń artyn baǵýda, dep atap ótiledi baıandamada.   

Aqpannyń basynda iri munaı eksportshysy Saýd Arabııasy  AQSh, soltústik-batys Eýropa, Jer Orta teńizi men Azııa elderinen satyp alýshylarǵa baǵany kóterdi.