OPEK+ kelisimine qatysýshy elderdiń otyrysynda Qazaqstannyń mindettemeleri aıtyldy

NUR-SULTAN. QazAqparat - Mınıstrlerdiń birlesken monıtorıng komıtetiniń 39-shy otyrysy jáne OPEK+ 27-shi mınıstrler kezdesýiniń qorytyndylary týraly QR Energetıka mınıstrliginiń baspasóz qyzmeti málim etti, dep habarlaıdy QazAqparat.

Búgin, 31 naýryzda OPEK+ kelisimine qatysýshy elderdiń mınıstrlik otyrysy beınekonferentsııa formatynda ótti.

Keleli basqosýǵa Qazaqstan atynan Energetıka mınıstri Bolat Aqsholaqov qatysty.

Otyrys barysynda aqpan aıynda kelisim taraptarynyń mindettemelerdi oryndaýy talqylandy.

Onyń qorytyndysy boıynsha shekteýlerdi tolyq alyp tastaǵanǵa deıin OPEK+ elderiniń aǵymdaǵy óndirý deńgeıin aı saıyn táýligine 432 myń barrelge arttyrýdy jalǵastyrý týraly sheshim qabyldandy.

2022 jylǵy mamyrdaǵy mindettemeler táýligine 1,638 mln barreldi quraıdy.

Asyra oryndalǵan kólemderdi óteý kezeńi 2022 jylǵy maýsymnyń sońy bolyp qalady.