OPEK+ kelisimi: Qazaqstan bıyl qansha munaı óndiredi
«Bıylǵy jyldyń birinshi toqsany boıynsha munaı jáne kondensat óndirý 23,6 mln tonnany qurap, munaı eksporty 18,9 mln tonna boldy. Ótken jyldyń osyndaı kezeńimen salystyrǵanda 2,6-2,7 paıyz ósim bar. OPEK+ sheshimine sáıkes, 2020 jyly munaı óndirý kólemi 84,5 mln tonna deńgeıinde josparlanyp otyr. Elimizde júzege asyp jatqan iri jobalarda munaı óndirýdiń oń dınamıkasy qalyptasty. Atap aıtqanda, Teńiz jobasynda 2,6, Soltústik Kaspıı jobasynda 22, Qarashyǵanaq jobasynda 6,6 paıyz ósim baıqalady», - dedi ol.
Mınıstrdiń dereginshe, munaı óńdeý 4 mln 30 myń tonnany qurady jáne birinshi toqsanda avtomobılge arnalǵan benzın óndirý 27, dızel otyny 2,8 paıyzǵa artty.
«Memleket basshysynyń tapsyrmasyna sáıkes, aýyl sharýashylyǵy taýaryn óndirýshilerge kóktemgi egis jumystaryna 390 myń tonna dızel otynyn arzandatylǵan baǵamen, ıaǵnı lıtrin 165 teńgeden berý uıymdastyryldy. Áýe kerosınin óndirý 18,8 paıyzǵa tómendedi. Sebebi ekonomıkalyq belsendiliktiń tómendeýi jáne suranys azaıdy», - dedi Nurlan Noǵaev.
Aıta keteıik, OPEK+ elderi munaı óndirýdi táýligine 9,7 mln barrelge qysqartýǵa kelisti. Qazaqstan óz kezeginde konsensýsqa qoldaý kórsetip, munaı óndirisin táýligine 390 myń barrelge azaıtatyn boldy.