OPEK+ kelisimi ınvestıtsııalyq klımatty boljaýǵa múmkindik berdi
OPEK+ kelisimin bekitýde Reseı tarapy negizgi rólderdiń birin atqarǵanyna toqtalǵan ol, «Kelisim sońǵy aılarda munaı qunyn turaqtandyrýǵa múmkindik berdi. Bizdiń oıymsha, bul sátti qadam boldy. Naryqtarda turaqtylyq baıqalyp, ınvestıtsııalyq klımat jaqsaryp, onyń kólemi qaıta arta tústi», - dedi A. Dvorkovıch.
Osy oraıda ol aldaǵy onjyldyqta munaıgaz sektoryndaǵy ınvestıtsııalardyń turaqtylyǵy basymdyqtardyń biri bolyp tabylatynyn atap ótti. Onyń paıymynsha, bul turǵyda álemdik energetıka bir mezettik geosaıasattyń tutqynynda bolmaýy tıis.
«Eger de biz qajetti ınfraqurylymsyz qalsaq, sonymen qatar munaıgaz ken oryndaryn ıgerýdiń qajetti qarqynynan qalyp qoısaq, onda osynyń saldary barshasyna aýyr tıedi», - dedi ol.
«Jańaratyn energııa kózderi basymdyqty baǵyt bolyp tabylady, alaıda ol ázirge qymbatqa túsýde. Osy rette bul energııany arzandatý úshin jańa tehnologııalar boıynsha jumys isteýdemiz. Sondyqtan bul sharalar belgili bar ýaqytty qajet etetini anyq. Al oǵan deıin biz óz halyqtarymyzdy, tutynýshylardy joǵary shyǵyndarǵa batyrmaýymyz qajet», - dep túıindedi sózin Arkadıı Dvorkovıch.