OPEK Qazaqstandy Venadaǵy kelissózderge shaqyrdy

ASTANA. QazAqparat - OPEK uıym múshesi emes 12 memleketti 29 qazan kúni Venada ótetin tehnıkalyq kezdesýge qatysýǵa shaqyrdy. Bul týraly Venesýela munaı mınıstri Eýlohıo del Pıno málimdedi, dep jazdy RIA Novostı.

«Biz Reseı, Ázerbaıjan, Qazaqstan, Oman, Mysyr, Bahreın, Kolýmbııa, Meksıka, Trınıdad pen Tobago, Bolıvııa, Norvegııa jáne Kanadaǵa shaqyrý qaǵazyn jiberdik», - dedi mınıstr jýrnalısterge.

Atalǵan elderdiń qaısysy qatysýǵa kelisim berdi degen suraqqa ol ázirge Reseı men Qazaqstannyń ǵana qatysatynyn rastaǵanyn aıtty. Sonymen birge, Del Pıno 28 qazan kúni OPEK elderi ókilderiniń kezdesýi ótetinin, al 29 qazan kúni ózge memleket ókilderiniń qosylatynyn málimdedi.