OPEK+ elderi munaı óndirýge qatysty josparyn ózgertpeıdi
22:33, 05 Jeltoqsan 2022
ASTANA.QazAqparat - OPEK+ elderi munaı óndirý josparyn ózgertpeıdi. Karteldiń jeksenbi kúni ótken májilistiń qorytyndysy boıynsha jasaǵan málimdesinde álemniń iri munaı óndirýshileriniń keler jyldyń sońyna deıin munaı óndirý kólemin 2 mln barrelge deıin qysqartýdy jalǵastyratyny aıtylǵan.
Bul týraly QazAqparat Euronews agenttigine silteme jasap.
Bul sheshim Reseı eksportyna qatysty batystyq jańa sanktsııalar kúshine engenge deıin bir kún buryn belgili boldy. Atap aıtqanda, baǵa shegi men munaıdyń teńiz arqyly tasymalyna embargo engizildi.
Sarapshylardyń pikirinshe, álemdegi eń iri shıki munaı ımporttaýshysy - Qytaıdaǵy suranystyń bolashaǵy týraly naqty túsiniktiń bolmaýy da statýs-kvony saqtaýǵa áser etti.
Osy aptada Beıjiń kovıdke qarsy shekteýlerdi jeńildetý týraly sheshim qabyldady. Óz kezeginde ol tutyný kólemin arttyrýǵa áser etýi múmkin. Munaı óndirý kvotasy qazan aıynda Qytaıdaǵy jáne jalpy álemdegi ekonomıkalyq ósýdiń baıaýlaýyna baılanysty tómendetildi.