OPEK basshysy munaıǵa suranys ósedi dep boljap otyr
13:54, 12 Qazan 2015
ASTANA. QazAqparat - OPEK bas hatshysy Abdalla Salem ál-Badrı munaıǵa degen suranys artatynyn, al uıymǵa kirmeıtin elderden shıkizat jetkizý azaıatynyn málimdedi. Munaı salasyn aldaǵy ýaqytta «jaqsy kúnder» kútip tur, dep esepteıdi OPEK basshysy.
"Biz OPEK 2016 jyly munaı naryǵy turaqtalady dep úmittenemiz, - dedi A.ál-Badrı. - Sońǵy kezderi OPEK quramyna kirmeıtin keı elderde munaı óndirisi qysqarǵanyn, sonymen qatar munaıǵa degen suranystyń ósýiniń alǵysharttaryn kórip otyrmyz", - dedi ol.
Boljam boıynsha, munaıǵa degen álemdik suranys 2040 jyly táýligine 110 mln barrelge deıin ulǵaıady.