Ońtústikten soltústikke: Pavlodarda qonys aýdarýǵa bólingen qarajat jymqyrylǵan

<p>PAVLODAR. KAZINFORM &ndash; Pavlodar oblysynyń prokýratýrasy &laquo;Qýatty óńirler &ndash; el damýynyń draıveri&raquo; Ulttyq jobasyn iske asyrý aıasynda bólingen bıýdjet qarajatyn urlaý faktilerin anyqtady.</p>

Baǵdarlamanyń saıasaty boıynsha nıetti azamattardy ońtústik aımaqtardan soltústiktegi halqy az eldi mekenderge qonystandyrý bolatyn. Talap boıynsha kóship kelýshiler satyp alatyn baspananyń 50%-yn memleket óteıdi. Alaıda úıdiń quny 4,2 mıllıon teńgeden aspaýǵa tıis. Prokýratýra anyqtaǵandaı, bıýdjet qarajatyn maksımaldy turǵyda jymqyrý úshin úılerdiń quny 8 mıllıon teńgege deıin asyra baǵalanǵan. Tutas shema boıynsha bıýdjet qarajatyn ıemdengender qaraýsyz qalǵan úılerdi 500 myń teńgeden bastap satyp alsa da, qujat júzinde 8 mıllıonǵa deıin baǵalap, jymqyrǵan. 

Bul rette jergilikti turǵyndar kóptep kóship ketkendikten, oblysta 59 eldi mekenniń joıylǵanyn atap ótý kerek. Tek 6 aýdannyń ózinen 600 mln teńge shyǵyn anyqtalyp otyr.

Prokýratýra tekserý materıaldaryn Qazaqstan Respýblıkasy Qylmystyq kodeksiniń 190-baby 4-bóligi boıynsha SDTBT-de tirkedi.

Tergeý amaldaryn arnaıy prokýror júrgizip jatyr.