Ońtústikten Soltústikke kóshý: Qostanaıda dárigerler tapshylyǵy azaıdy

<p>ASTANA. KAZINFORM &ndash; Qostanaı oblysynda dáriger mamandardyń tapshylyǵy aıtarlyqtaı azaıdy. Onyń sebebin óńir ákimi Qumar Aqsaqalov túsindirdi.</p>

- «Aýyldyq densaýlyq saqtaýdy jańǵyrtý» ulttyq jobasy aıasynda 2023 jyldan 2025 jylǵa deıingi kezeńge josparlanǵan 25 alǵashqy medıtsınalyq-sanıtarlyq kómek nysandarynyń qurylysy aıaqtaldy. Erekshe qajettilikteri bar balalardy ońaltý úshin bıyl oblysta aýtızm jáne basqa da aqyl-oı kemistigi bar balalarǵa arnalǵan alǵashqy ortalyq ashyldy. Qazir 30 densaýlyq saqtaý mekemesinde 2,3 mlrd teńgege jóndeý jumystary júrgizilip jatyr, - dedi Qumar Aqsaqalov óńirdiń áleýmettik-ekonomıkalyq damýy týraly esep bere turyp.

Oblys ákiminiń málimetine súıensek, óńirdegi densaýlyq saqtaý nysandarynyń materıaldyq-tehnıkalyq bazasyn jaqsartýǵa 4,6 mlrd teńge bólindi.

- Bıyl qazannan bastap oblystyń ońtústik óńirleriniń dárigerleri úshin kóterme járdemaqy 5 mln teńgege deıin, al aýylda 7 mln teńgege deıin ulǵaıdy. Ońtústik óńirlerden kóship kelgen dárigerlerge kórsetiletin áleýmettik qoldaýdyń arqasynda oblysta maman tapshylyǵy 99 mamanǵa azaıdy. Osylaısha densaýlyq saqtaý kórsetkishteriniń dınamıkasyna oń áser etti. Máselen, ótken jylmen salystyrǵanda ólim-jitim 7,7%-ǵa, náreste ólimi 2,2%-ǵa azaıdy. Sondaı-aq onkologııalyq, týberkýlezden, qan aınalymy júıesi aýrýlarynan jáne jaraqattanýdan bolatyn ólim-jitim tómendedi, - deıdi ol.

Buǵan deıin Qumar Aqsaqalov Qostanaı oblysynda kedeı turatyn halyqtyń azaıǵanyn aıtqan edi.