Ońtústikten kelgen ulandyqtar batysta sý tasqynymen arpalysyp júr

<p>ORAL. KAZINFORM &mdash; Dál qazir Batys Qazaqstan oblysy men Atyraý oblysynda jaǵdaı óte kúrdeli. Osyǵan oraı sý tasqynynyń ekinshi tolqynyna qarsy sharalarǵa elimizdiń tótenshe jaǵdaı qyzmetkerlerimen qatar áskerı qurylymdar, sonyń ishinde Ulttyq ulan jaýyngerleri de jumyldyryldy.&nbsp;</p>

Batys Qazaqstan jáne Atyraý oblysyna Qyzylorda, Shymkent, Qaraǵandy qalalarynan 1000-ǵa jýyq Ulttyq ulan qyzmetshisi jiberilgen bolatyn. 

Foto: Ulttyq ulan

Sonyń biri — Shymkent qalasyndaǵy Ulttyq ulannyń 6506 áskerı bóliminde Otan aldyndaǵy boryshyn ótep júrgen qatardaǵy Maqsat Nabıǵazy.

Sarbaz úshin qaptyń aýyrlyǵy emes, el aldyndaǵy jaýapkershilik júgi mańyzdy.

— Elimizdiń batys aýmaǵynda bolyp jatqan tabıǵı apatty estigen sátten bastap jolǵa shyqqan bolatynbyz. Qazirgi ýaqytta osy aımaqtaǵy bóget turǵyzý jumysymen qatar úılerin sý basqan turǵyndardy evakýatsııalaý jumysyn qosa atqaryp júrmiz. Qazirgi tańda tabıǵı apattyń ekinshi tolqynynyń aldyn alý úshin bar kúshimizdi salyp jatyrmyz,-deıdi Maqsat Mahmýtuly.

Foto: Ulttyq ulan

Esterińizge sala keteıik, qazirgi tańda Batys Qazaqstan men Atyraý oblysynyń turǵyndary sý tasqynynyń ekinshi tolqynyń kútip, qum toltyrylǵan qaptardan bóget salyp qamdanýda.

Sonymen qatar búgindi tańda atalmysh aımaqtardy 2000 ǵa jýyq ulandyqtar da qyzmet atqaryp jatyr.

Foto: Ulttyq ulan

Jalpy sý tasqyny bastalǵannan beri quqyqtyq tártip áskerleriniń 120-dan astam avıa jáne avtomobıl tehnıkasy tartylǵan.

1679 adam evakýatsııalandy, ınertti materıaly bar 960 myńnan asa qapshyq daıyndalyp, tóseldi.

Foto: Ulttyq ulan

Ulandyqtar 244 tonna gýmanıtarlyq kómekti túsirdi, al Ulttyq ulannyń áýe kemelerimen 138 tonna gýmanıtarlyq júk jetkizildi.

Foto: Ulttyq ulan

Foto: Ulttyq ulan