Ońtústikte aptap, batysta nóser jaýyn — 8 tamyzǵa aýa raıy boljamy

<p>ASTANA. KAZINFORM — Qazgıdromet sınoptıkteri 8 tamyz, beısenbige arnalǵan aýa raıy boljamyn jarııalady. </p>

Atmosferalyq fronttardyń yqpalymen Qazaqstannyń basym bóliginde turaqsyz aýa raıy saqtalady. 

Naızaǵaı jarqyldap, burshaq pen jaýyn jaýady, daýyl soǵady. 

Elimizdiń batysynda, soltústik-batysynda qatty jańbyr jaýady.

Tek elimizdiń ońtústiginde jáne ońtústik-shyǵysynda jaýyn-shashynsyz aýa raıy kútiledi.

Respýblıka boıynsha jel kúsheıip, ońtústikte shańdy daýyl turady, soltústik-batysynda, soltústiginde túnde jáne tańerteń tuman túsedi.

Kúndiz Almaty, Túrkistan, Qyzylorda, Jambyl, Shyǵys Qazaqstan, Ulytaý, Jetisý oblystarynda Abaı oblysynyń ońtústiginde qatty ystyq bolady. 

Qyzylorda oblysynyń ońtústiginde, Almaty oblysynyń soshltústiginde, ortalyǵynda, Túrkistan oblysynyń shóldi aýdandarynda, Jetisý oblysynyń soltústiginde, ortalyǵynda óte qatty aptap ystyq bar.  

Kóp oblysta tótenshe órt qaýpi saqtalady.