Ońtústik óńirler aldaǵy ýaqytta energııa tapshylyǵynyń zardabyn tartady —sarapshy

<p>ASTANA. KAZINFORM — Astanada elimizdegi atom energetıkasynyń damýy jóninde ótip jatqan forýmda Qazaqstannyń eńbek sińirgen energetıgi, Energetıkter odaǵy­nyń basshysy Marat Dýl­kaırov Qazaqstannyń ońtústigindegi qýat tapshylyǵy bes oblysty qamtyp otyrǵanyn, atal­ǵan aımaq energııamen 55 paıyz­ǵa ǵana qamtylǵanyn jetkiz­di. </p>

«Energııa tapshylyǵy joq dep ózimizdi aldap kerek emes. Ásirese, elimizdiń ońtústik aımaǵynda 2500 megavatt tapshylyǵy baıqalady. Investıtsııany sol óńirlerge quıý kerek. Áıtpese, aldaǵy jyldary úlken problemaǵa aınalýy múmkin», — dedi ol.

Sarapshy energetıkalyq nysandardy salý úshin tarıf baǵasyn ósirýge qarsy ekenin jetkizdi.

Tarıfti ósirý halyqtyń qaltasyna salmaq salatynyn, bul rette energııa stansalaryn salýǵa qarajatty ózge kózderden qarastyrý kerek ekenin aıtty.