Ońtústik Koreıadaǵy týrnırde shyńjańdyq eki qazaq balýany top jardy

<p>ASTANA. KAZINFORM &ndash; Qytaıdyń Shyńjań-Uıǵyr avtonomııalyq ólkesindegi (ShUAÓ) ulty qazaq balýandar Sandjý qalasynda (Ońtústik Koreıa) kúres túrlerinen ótken Korea Open&nbsp; halyqaralyq týrnıriniń jeńimpazy atandy.&nbsp;</p>

Shyńjań radıo jáne televıdenıe stantsııasynyń habarlaýynsha, Kabıran Abýshaımanuly erkin kúresten erler arasynda 97 keli salmaqta chempıon atansa, Ýálıhan Serikuly erler arasynda grek-rım kúresinen 67 keli salmaqta top jardy. 

Foto: slstnews.xjtvs.com.cn

Aıta keteıik, Ýálıhan Serikuly – Tokıoda ótken Jazǵy Olımpıada oıyndarynyń qola júldegeri. Al Kabıran Abýshaımanuly – 2024 jylǵy Parıj Olımpıadasynyń qatysýshysy.

Buǵan deıin habarlaǵanymyzdaı, Sandjý qalasynda kúres túrlerinen ótken Korea Open halyqaralyq týrnıri aıaqtaldy. Qazaqstandyq sportshylar bul cporttyq básekede alty medal jeńip aldy.