Ońtústik Koreıadaǵy sheteldik jumysshylardyń sany alǵash ret mıllıonnan asty

<p>ASTANA. KAZINFORM &ndash; Ońtústik Koreıada jumys isteıtin shetel azamattarynyń sany rekordtyq kórsetkishke jetip, alǵash ret 1 mıllıonnan asty, dep habarlaıdy <a href="https://en.yna.co.kr/view/AEN20241217003800320" target="_blank" rel="noopener">Yonhap</a>.</p>

Koreıa statıstıkasynyń málimetinshe, mamyr aıyndaǵy jaǵdaı boıynsha elde turatyn 15 jáne odan joǵary jastaǵy 1,56 mıllıon sheteldiktiń 1,01 mıllıony nemese 64,7 paıyzy jumysqa ornalasqan.

Bul kórsetkish ótken jylmen salystyrǵanda 87 myń adamǵa nemese 0,2 paıyzǵa artqan.

Sheteldik jumysshylardyń 73,2%-y 50 adamnan az qyzmetkeri bar kompanııalarda jumys istese, taǵy 24,1%-y 50-den 299-ǵa deıingi qyzmetkeri bar kompanııalarda jumys istegen. Nebári 2,7 paıyzy 300-den astam qyzmetkeri bar iri kompanııalarda jumys istegen.

Koreıada 2012 jyldan bastap júrgizilgen statıstıka boıynsha 2012 jyly sheteldik qyzmetkerlerdiń 79,1 paıyzy shaǵyn kásiporyndarda jumys istese, 3,4 paıyzy iri korporatsııalarda jumys istegen. Bul kórsetkish sońǵy onjyldyqta aıtarlyqtaı ózgermegen.

Málimetter kórsetkendeı, Ońtústik Koreıadaǵy barlyq sheteldikterdiń shamamen 51,2% aı saıyn 2 mıllıonnan 3 mıllıon vonǵa (1,392 - 2,089 dollar) deıin, al 37,1% -y 3 mıllıon von tabys tapqan.

Aıta keteıik, QR Eńbek jáne halyqty áleýmettik qorǵaý mınıstriligi Ońtústik Koreıada Qazaqstan azamattarynyń zańdy jumys isteýi úshin qandaı is-sharalar atqarylyp jatqynyna túsinik bergen bolatyn.