Ońtústik Koreıada zańsyz júrgen ózbekstandyqtar 10 kúnde elden ketýi tıis

<p>TAShKENT. KAZINFORM &ndash; Ózbekstannyń Syrtqy eńbek kóshi-qony agenttigi Ońtústik Koreıada zańsyz júrgen ózbekstandyqtardy 29 aqpanǵa deıin elden ketýge shaqyrdy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi.</p>

Vedomstvodan málimdegendeı, Ońtústik Koreıada zańsyz júrgen ózbekstandyqtar eldiń ımmıgratsııalyq qyzmetine josparlanǵan ketý kúninen 3 kún buryn erikti túrde ótinish berýi qajet. Bul rásim barysynda olar quzyrly organ mamandaryna pasport pen ushaq bıletin qosa usynýy tıis.

Sáıkesinshe, kóshi-qon qyzmeti bergen sertıfıkat negizinde ózbekstandyqtar óz eline esh qıyndyqsyz orala alady.

Syrtqy eńbek kóshi-qony agenttiginiń dereginshe, Ońtústik Koreıadan óz erkimen ketý týraly sheshim qabyldaǵan azamattar deportatsııalanbaıdy. Eger ózbekstandyqtar ótinish arqyly elden shyqsa, onda olarǵa sol memleketke zańdy túrde qaıta kirýine múmkindik beriledi.