Joıqyn ushaq apatynan keıin Ońtústik Koreıada Boeing 737-800 ushaqtary túgel tekserilmek

<p>ASTANA. KAZINFORM&nbsp;&mdash; Ońtústik Koreıanyń Jer, ınfraqurylym jáne kólik mınıstrligi Mýan áýejaıynda Jeju Air laıneriniń apatqa ushyraýynan keıin eldegi barlyq Boeing 737-800 ushaǵyn tekseredi. Bul týraly Kazinform <a href="https://oxu.az/ru/v-mire/v-yuzhnoj-koree-proveryat-vse-boeing-737-800-posle-krupnejshej-aviakatastrofy" target="_blank" rel="noopener">Oxu.Az</a>-ǵa silteme jasap habarlaıdy.&nbsp;</p>

Bul modeldi kóptegen ulttyq arzan tasymaldaýshylar (LCCs) paıdalanady, Jeju Air osy ushaqtardyń kópshiligine ıe — 41-diń 39-y. T’way Air, Jin Air, Eastar Jet, Air Incheon jáne Korean Air loýkosterleriniń Boeing-tiń barlyǵy 62 ushaǵy bar.

— Biz ushý aldynda jáne odan keıin paıdalaný jáne tehnıkalyq qyzmet kórsetý qarqyndylyǵyna baılanysty ártúrli erejelerdiń qalaı saqtalatynyn tekseretin bolamyz, — dedi mınıstrlik ókili.

Sondaı-aq, salynyp jatqan jańa áýejaıdyń jobasyn baǵalaý kezinde bılik áýe kemeleriniń qustarmen soqtyǵysý qaýpin qalaı azaıtýǵa bolatynyn «muqııat zertteıdi». Qustyń qozǵaltqyshqa túsip ketýi Mýan apatyna ákelgen oqıǵalar tizbegin bastaýy múmkin, dep boljady Yonhap-qa suhbat bergen sarapshylar. Bul rette keıbir sarapshy ushaqtyń qustar tobyna soqtyǵysqany týraly habar jaýaptan góri kóp suraqtar týdyrady dep sanaıdy.

— Osy kezde jaýaptardan góri kóptegen suraqtar áldeqaıda kóp. Ushaq nege sonsha jyldam ushty? Nelikten qaqpaqshalary ashylmady? Nelikten shassı tómen túsirilmegen?, — dep surady Italııa Áskerı-áýe kúshteri akademııasynyń burynǵy oqytýshysy Gregorı Alegı.

Eske salsaq, Ońtústik Koreıanyń Mýan halyqaralyq áýejaıynda bortynda 181 adamy bar jolaýshylar ushaǵy apatqa ushyrady.

Keıinnen 181 adamnyń 179-y mert bolǵany anyqtaldy.

Ońtústik Koreıada ushaq apatyna baılanysty aza tutý aptalyǵy jarııalandy.