Ońtústik Koreıada bıleýshi partııanyń jetekshisi prezıdentti ornynan alý qajettigin málimdedi

<p>ASTANA. KAZINFORM &ndash; &laquo;Halyq kúshi&raquo; partııasynyń (PPP) ókili Han Don Hýn eger ıÝn Sok El bılikte qalsa áskerı jaǵdaıdy jarııalaý tárizdi &laquo;radıkaldy&raquo; áreketterge taǵy barýy múmkin ekenin málimdedi,&nbsp; dep habarlaıdy <a href="https://en.yna.co.kr/view/AEN20241206002951315" target="_blank" rel="noopener">Yonhap</a> aqparat agenttigi.</p>

Juma kúni bıleýshi partııanyń jetekshisi prezıdent ıÝn Sok Eldi múmkindiginshe tezirek qyzmetinen bosatý kerektigin málimdep, ıÝn áskerı jaǵdaı engizý áreketi kezinde negizgi saıasatkerlerdi «memleketke qarsy» áreket jasady dep aıyptap, tutqynǵa alýǵa buıryq bergenin, tipti olardy tutqyndaý úshin barlaý qyzmetin jumyldyrǵanyn atap ótti.

- Jańadan ashylǵan faktilerdi eskere otyryp, men prezıdent ıÝn Sok Eldi Koreıa Respýblıkasy men onyń halqyn qorǵaý mindetinen dereý bosatý kerek dep sanaımyn, - dedi Han.

Ol eger ıÝn prezıdent qyzmetin jalǵastyra berse, elge «aýyr qaýip» tóndiretin mundaı «radıkaldy áreketter» qaıtalanýy múmkin dep qatty alańdaýshylyq bildirdi.

Buǵan deıin Ońtústik Koreıada tótenshe jaǵdaı rejımi engizilgen bolatyn. Alaıda parlament ony joıýǵa daýys berdi.

Koreıadaǵy qazaqstandyqtar buqaralyq sharalarǵa qatysýdan bas tartýǵa shaqyryldy.

3 jeltoqsanda Ońtústik Koreıada prezıdent ıÝn Sok El áskerı jaǵdaı engizilgenin jarııalady. 

Sondaı-aq Ońtústik Koreıanyń qorǵanys mınıstri Kım En Hen sársenbi kúni prezıdent ıÝn Sok Eldiń áskerı jaǵdaı engizý áreketine alańdaýshylyq týǵyzǵany úshin keshirim surap, otstavkaǵa ketýdi usyndy.

Ońtústik Koreıa prezıdenti ıÝn Sok El Qorǵanys mınıstri Kım En Henniń otstavkasyn qabyldady.

Bul bir jaǵynan bul eldegi demokratııalyq ınstıtýttardyń kúshtiligin kórsetedi. Atalǵan eldegi jaǵdaıdyń sebebin Kazinform agenttiginiń halyqaralyq baqylaýshysy zerttedi.