Ońtústik Koreıada apatqa ushyraǵan ushaq bortynda Qazaqstan azamattary joq – SІM

<p>ASTANA. KAZINFORM &ndash; Bul aqparatty elimizdiń Syrtqy ister mınıstrligi rastady.</p>

- Jergilikti bıliktiń aldyn ala málimeti boıynsha Ońtústik Koreıada apatqa ushyraǵan ushaq jolaýshylarynyń arasynda Qazaqstan azamattary bolǵan joq, - delingen mınıstrlik taratqan habarlamada.

Osyǵan deıin Ońtústik Koreıanyń Mýan halyqaralyq áýejaıynda bortynda 181 adamy bar jolaýshylar ushaǵy apatqa ushyrap, kem degende 47 adam qaza taýyp, taǵy kóp adam jaralanǵany týraly jazdyq.

Keıinirek ushaq apatynan  181 adamnyń 179-y mert bolǵany habarlandy. 

Aldyn ala málimetter boıynsha, eki adamdy ǵana aman alyp qalý múmkin bolǵan. Olardyń bireýi jolaýshy, ekinshisi ekıpaj múshesi.