Ońtústik Koreıa Telegram-ǵa qarsy tergeý júrgizip jatyr

<p>ASTANA. KAZINFORM &mdash; Ońtústik Koreıa polıtsııasy Telegram-ǵa shıfrlanǵan habar almasý platformasynda jasandy ıntellekt arqyly jasalǵan jasóspirimderdiń ashyq sýretterimen qosa dıpfeık dep atalatyn pornonyń taralýyna &laquo;kómektesti&raquo; degen aıyp taǵyp otyr, dep jazady <a href="https://www.france24.com/en/live-news/20240902-south-korea-opens-telegram-deepfake-porn-probe" target="_blank" rel="noopener">France 24.</a></p>

Dıpfeık-porno jasandy ıntellekt tehnologııasyn qoldana otyryp, adamdardyń bet-álpeti basqa pornografııalyq sýretterge nemese beınelerge tsıfrlyq túrde ornalastyrylatyn ashyq mazmundy qamtıdy.

Tergeýdiń bastalýyna myna oqıǵa sebep bolǵan. Ońtústik Koreıanyń bir ýnıversıtetiniń stýdentteri ótken aıda Telegram-da zańsyz chat ashyp, onda stýdentterdiń jalǵan pornografııalyq materıaldaryn bólisken. Bul qoǵamdyq rezonans týdyrdy.

— Osy qylmystarǵa baılanysty Seýl ulttyq polıtsııa agenttigi ótken aptada tergeý bastady. Onyń barysynda Telegram akkaýnttar týraly burynǵy suraýlarymyzǵa jaýap bermedi, — dedi ulttyq polıtsııa agenttiginiń tergeý bıýrosynyń basshysy Vý Chon Sý.

Ońtústik Koreıa ulttyq polıtsııa bıýrosynyń málimetinshe, ótken aptanyń ózinde dıpfeık porno boıynsha 88 habarlama túsken. 24 kúdikti anyqtaldy.

Polıtsııa «platformanyń qyzmetine qatysty tergeýdi» kúsheıtý úshin ártúrli tergeý organdarymen, sonyń ishinde frantsýzdarmen yntymaqtastyq joldaryn tabýǵa ýáde berdi.

Belsendilerdiń aıtýynsha, Ońtústik Koreıa tsıfrlyq seksýaldy qylmystar epıdemııasynan zardap shegedi, sonyń ishinde tyńshylyq kameralar men porno kek alý, sondaı-aq quqyq buzýshylardy jazalaýǵa zań dármensiz bolyp otyr. 

Dıpfeık qylmysyn jasaǵandar zardap shekkenderdiń fotosýretterin saqtaý úshin Instagram sııaqty áleýmettik medıa platformalardy paıdalanady, sodan keıin olar jalǵan pornografııalyq materıal jasaýǵa paıdalanylady. 

Bul áreket qoǵamda narazylyq týǵyzdy jáne prezıdent ıÝn Sok Eldi sheneýnikterdi «tsıfrlyq seksýaldy qylmystardy muqııat zerttep, olardy tolyǵymen joıý úshin kúresýge» shaqyrdy.

Tergeý Telegram negizin qalaýshy jáne bas dırektory Pavel Dýrov ótken aıda Frantsııada qamaýǵa alynǵannan keıin bastaldy.

Oǵan birneshe bap boıynsha, sonyń ishinde ekstremıstik jáne zańsyz mazmundaǵy aqparattardy aýyzdyqtamaǵany úshin aıyp taǵyldy. Jalpy aıyp boıynsha Dýrov 10 jylǵa bas bostandyǵynan aıyrylýy múmkin.