Ońtústik Koreıa prezıdenti áskerı jaǵdaı engizgeni úshin keshirim surady

<p>ASTANA.KAZINFORM - Ońtústik Koreıa prezıdenti ıÝn Sok El elde áskerı jaǵdaı engizilgennen&nbsp; keıingi alǵashqy sózinde ne aıtqany belgili boldy, dep jazady <a href="https://www.bbc.com/russian/articles/c9dppe8epg5o" target="_blank" rel="noopener">BBC.</a></p>

ıÝn Sok El «qyzmettegi merzimi týraly máseleni» óziniń «Halyq kúshi» partııasynyń qaraýyna qaldyratynyn aıtty. Osydan keıin partııa basshysy Han Don Hýn Ońtústik Koreıa basshysynyń merziminen buryn otstavkaǵa ketýi sózsiz ekenin aıtty.

Ońtústik Koreıa prezıdenti ıÝn Sok Eldyń halyqqa úndeýi onyń otstavkaǵa ketýine ákeletin parlamenttik daýys berýden birneshe saǵat buryn jasaldy.

Shamamen 2 mınýtqa sozylǵan sózinde ol osy aptanyń basynda áskerı jaǵdaı engizý týraly sheshimi úshin keshirim surady.

- Bul sheshim sharasyzdyqtan qabyldandy. Ol adamdarǵa alańdaýshylyq pen qolaısyzdyq ákeldi. Men bul úshin ókinemin jáne keshirim suraımyn, - dedi ol.

Prezıdent keıbir qarsylastary qaýiptengendeı ekinshi ret soǵys jaǵdaıyn jarııalamaıtynyn aıtty.

ıÝn Sok El otstavkaǵa ketýge daıyn ekenin bildirmedi jáne aldaǵy parlamenttegi ımpıchment týraly eshteńe aıtpady.

Bul ıÝn Sok Eldyń parlament onyń jarlyǵyna qarsy daýys bergennen keıingi áskerı jaǵdaıdy alyp tastaǵannan keıingi alǵashqy halyqqa shyǵýy boldy. Osydan keıin el parlamentinde basym daýysqa ıe oppozıtsııalyq depýtattar prezıdentke ımpıchment jarııalaý týraly zań jobasyn usynyp, Ońtústik Koreıa polıtsııasy oǵan qarsy tóńkeris uıymdastyrdy degen kúdikpen tergeýdi bastady.

ıÝn Sok Eldyń halyqqa úndeýinen keıin «Halyqtyq bılik» partııasynyń jetekshisi Han Don Hýn Ońtústik Koreıa kóshbasshysynyń merziminen buryn otstavkaǵa ketýi sózsiz ekenin aıtty, óıtkeni ol endi memlekettik mindetterdi atqara almaıdy.

Oppozıtsııalyq Demokratııalyq partııa jetekshisi Lı Chje Men prezıdent sózin «kóńil túsiretin» dep atady. Onyń aıtýynsha, prezıdenttiń sózi «qoǵamnyń úmitin aqtamady jáne odan ári aldady».

- Qazir Ońtústik Koreıa úshin eń úlken qaýip – prezıdenttiń bılikte bolýy. Otstavka nemese ımpıchment arqyly ıÝnnyń bıligin tez arada toqtatýdan basqa jol joq, - dedi Lı.

Ońtústik Koreıa parlamenti prezıdentke ımpıchment jarııalaý týraly zań jobasyn daýysqa salady. Alaıda prezıdenttiń otstavkasy týraly zań jobasy qabyldanýy úshin oppozıtsııaǵa prezıdent partııasynyń depýtattarynyń keminde 8 daýysy qajet.

Buǵan deıin Ońtústik Koreıa prezıdentine ımpıchment jarııalaý protsesi bastalǵanyn jazǵan bolatynbyz.