Ońtústik Koreıa parlamenti prezıdentti qamaýǵa alý týraly qarardy maquldady

<p>ASTANA.KAZINFORM - Ońtústik Koreıanyń Ulttyq assambleıasy ótken aptada áskerı jaǵdaı engizý áreketine qatysty ıÝn Sok El men jeti sheneýnikti tez arada qamaýǵa alýdy talap etetin qarar qabyldady, dep jazady <a href="https://en.yna.co.kr/view/AEN20241210001954315" target="_blank" rel="noopener">Yonhap</a>.</p>

Bul qaýlyǵa 190 adam daýys berse, 95 adam qarsy, úsheýi qalys qaldy.

Ońtústik Koreıanyń parlamenti de ótken aptada áskerı jaǵdaı engizý áreketine baılanysty prezıdent ıÝn Sok Elge qarsy arnaıy tergeý júrgizýdi talap etetin zań jobasyn qabyldady.

Bul rette prezıdent arnaıy prokýrordy taǵaıyndaý týraly qaýlyǵa qarsy veto quqyǵyn paıdalana almaıdy, biraq taǵaıyndaýdyń ózin keıinge qaldyra alady, dep túsindiredi agenttik.

Buǵan deıin ıÝn Sok Elge saıahattaýǵa tyıym salynǵan bolatyn. Bul tyıymdy engizý prezıdentke qatysty tergeýge baılanysty talap etildi.

Esterińizge sala keteıik, Ońtústik Koreıanyń prokýratýrasy prezıdentke qarsy memleketke opasyzdyq jasady degen aıyp taǵyp otyr. Ońtústik Koreıanyń burynǵy qorǵanys mınıstri de memleketke opasyzdyq jasady degen aıyppen qamaýǵa alyndy.

Sonymen qatar, Ulttyq jınalys plenarlyq otyrysta Prezıdentke ımpıchment jarııalaý týraly usynysqa daýys saldy. Bıliktegi «Halyqtyq bılik» partııasynyń (HBP) úsh zań shyǵarýshysynan basqasy ımpıchment týraly usynysqa daýys berýge boıkot jarııalady.