Ońtústik Koreıa parlamenti el prezıdentin tergeý úshin arnaıy prokýror taǵaıyndaýdy maquldady

<p>ASTANA. KAZINFORM &ndash; Ońtústik Koreıa parlamenti prezıdent ıÝn Sok Elǵa qatysty aıyptaýlardy tekserý úshin arnaıy prokýror taǵaıyndaý týraly zań jobasyn qabyldady.</p>

Sondaı-aq prezıdent memleketke opasyzdyq jasady jáne bıligin asyra paıdalandy degen kúdikke ilingen jáne elden shyǵýǵa tyıym salynǵan.

Ońtústik Koreıanyń Ulttyq assambleıasy (parlament) áskerı jaǵdaıdyń engizilýine baılanysty prezıdent ıÝn Sok Elǵa qatysty tergeý júrgizý úshin turaqty arnaıy prokýror taǵaıyndaý týraly zań jobasyn qabyldady, dep habarlaıdy Yonhap.

Bastamany 210 depýtat qoldasa, 63-i qarsy shyqty, 14-i qalys qaldy.

Zań jobasynda burynǵy qorǵanys mınıstri Kım En Hen men armııa shtabynyń bastyǵy general Pak An Sonnyń da aty atalǵan. Premer-mınıstr Han Dok Sý men qarsy barlaý basshysy E In Hen de tergelýshiler tizimde.

Buǵan qosa, parlament ıÝn Sok El men taǵy jeti sheneýnikti dereý qamaýǵa alýdy talap etetin qaýly qabyldady. Oǵan 191 depýtat daýys berse, 94-i qarsy bolsa, úsheýi qalys qaldy.

Oppozıtsııalyq Tobýro demokratııalyq partııasy da ádilet mınıstri Pak Son Chje men Ulttyq polıtsııa agenttiginiń basshysy Cho Djı Hoǵa qarsy ımpıchment protsedýrasyn bastaý josparyn jarııalady. Usynys senbi kúni daýysqa salynady.

Aıta keteıik, Ońtústik Koreıa prezıdenti áskerı jaǵdaı engizgeni úshin keshirim suraǵan bolatyn.