Ońtústik Koreıa kompanııasy BQO-ǵa 81 mlrd teńgeden astam ınvestıtsııa salýdy josparlap otyr

<p>ASTANA. KAZINFORM - Astanada aǵymdaǵy máselelerdi talqylaý jáne perspektıvaly ınvestıtsııalyq strategııalardy qalyptastyrý úshin memlekettik organdar men halyqaralyq ınvestıtsııalyq qoǵamdastyqtyń basyn qosatyn jyl saıynǵy eń mańyzdy oqıǵalardyń biri &ndash; KGIR-2024 jahandyq ınvestıtsııa boıynsha qazaqstandyq dóńgelek ústel ótip jatyr.&nbsp;</p>

Aıta keteıik, KGIR – 2024 dóńgelek ústelin Qazaqstan Respýblıkasyndaǵy negizgi ınvestıtsııalyq oqıǵa dep baǵalaýǵa bolady, ol 2017 jyldan bastap jyl saıyn el Premer-Mınıstriniń basshylyǵymen ótkizilip keledi

Osy dástúrden jańylmaı, bıyl da dóńgelek ústel Qazaqstan Respýblıkasynyń Premer-mınıstri Oljas Bektenovtiń tóraǵalyǵymen ótýde. Oǵan memlekettik organdardyń birinshi basshylary, oblystar men qalalardyń ákimderi, transulttyq korporatsııalardyń basshylary, iri ınvestorlar, sarapshylar, sondaı-aq memlekettik qurylymdar men bıznes-qoǵamdastyqtardyń ókilderi qatysyp jatyr.

Bul is-sharanyń basty taqyryby jahandyq ınvestıtsııalyq úrdisterdi talqylaý jáne álemdik naryqtardyń bolashaǵyn boljaý boldy.

Osy dóńgelek ústel barysynda sóz alǵan Batys Qazaqstan oblysynyń ákimi Narıman Tóreǵalıev ınvestıtsııa tartý jáne bızneske qolaıly jaǵdaı jasaý Memleket basshysy Qasym-Jomart Toqaev aıqyndaǵan negizgi basymdyqtar bolyp qala beretinin tilge tıek etti.

Ol búgingi dóńgelek ústel áleýetti ınvestorlarmen ózara is-qımyl jasaý jáne óńirlerdiń ınvestıtsııalyq áleýetin kórsetý úshin biregeı múmkindik beretinin atap ótti.

«Batys Qazaqstan oblysynda biz ınvestorlar úshin barlyq qajetti jaǵdaılardy jasadyq: qolaıly klımat, damyǵan ınfraqurylym jáne qýatty ónerkásiptik jáne logıstıkalyq áleýet. Óńirde joǵary tehnologııalyq óndirister ashyldy, bul odan ári ósý úshin naqty ekonomıkalyq áleýet pen turaqtylyqty kórsetedi», - dep atap ótti óńir basshysy Narıman Tóreǵalıev.

Onyń aıtýynsha, sońǵy úsh jylda Batys Qazaqstan oblysynyń negizgi kapıtalyna quıylǵan ınvestıtsııa kólemi 1,6 trıllıon teńgeni qurady, onyń ishinde byltyrǵy 2023 jyldyń qorytyndysy boıynsha ınvestıtsııa kólemi 645,6 mıllıard teńgege jetti. Bul odan aldyńǵy jylǵy kórsetkishterden 16,4 paıyzǵa joǵary.

KGIR-2024 aıasyndaǵy mańyzdy oqıǵa Batys Qazaqstan oblysynyń ákimdigi men ońtústikkoreıalyq Hyundai Solar KZ 777 kompanııasy arasynda memorandýmǵa qol qoıý boldy. Kompanııa tórt jobany júzege asyrýǵa 81,4 mlrd teńge kóleminde ınvestıtsııa quıýdy josparlap otyr, bul 120 jańa jumys ornyn qurýǵa múmkindik beredi. Josparlanǵan jobalardyń qatarynda qaldyqtardy óńdeý jáne órteý kesheni, jylyjaı kesheni, sonymen qatar kún panelderinen elektr qýatyn óndiretin stansanyń qurylysy bar. Joǵaryda atalǵan bastamalardy iske asyrý merzimi 2024-2026 jyldarǵa josparlanǵan.

Esterińizge sala keteıik, KGIR memleket pen halyqaralyq ınvestıtsııalyq qoǵamdastyqtyń dıalog alańy retinde tanylyp úlgerdi. Іs-sharanyń basty taqyryby – «Jahandyq ınvestıtsııalyq úrdister: Bolashaqqa kózqaras». Dóńgelek ústel barysynda qatysýshylar álemdik naryqtardyń aǵymdaǵy úrdisteri men olardyń ınvestıtsııalyq strategııalarǵa áserin, sondaı-aq halyqaralyq kapıtaldy tartýda ınfraqurylymdy damytý máselelerin talqylap jatyr.