Ońtústik arnaıy ekonomıkalyq aımaǵynyń ınfraqurylymyn jóndeýge 122 mln teńge bólindi - prokýratýra

<p>Shymkent qalasyndaǵy &laquo;Ońtústik&raquo; arnaıy ekonomıkalyq aımaǵynda143,8 mlrd teńgeni quraıtyn 60 joba ornalasqan, dep habarlaıdy <a href="https://www.inform.kz/" target="_blank" rel="noopener">Kazinform</a>.</p>

Prokýrorlardyń ınvestorlarmen kezekti kezdesýinde AEA ınjenerlik ınfraqurylymynyń sáıkes kelmeýi, ıaǵnı sý qubyrlary men elektr jelilerin jóndeý qajettiligi týraly máseleler aıtylǵan.

«Infraqurylymdy jóndeýge jáne jańartýǵa qarjylandyrý bólinbegen.

Bul jumys istep turǵan 35 ınvestıtsııalyq jobaǵa elektr qýaty men sýmen jabdyqtaýdyń úzilýine ákelýi múmkin bolǵan.

Qala prokýratýrasy qalyptasqan jaǵdaıdy jáne bar táýekelderdi taldap, ákimdikke usynys engizdi, onyń nátıjesinde tozyǵy jetken ınjenerlik júıelerdi jóndeýge 122,4 mln.teńge bólindi», - dep jazdy baqylaýshy organnan.

Qazirgi ýaqytta ınjenerlik júıelerdi jóndeýge konkýrs jarııalandy.