Ońtústik Afrıkadaǵy Stılfonteın shahtasynan 78 zańsyz kenshiniń denesi tabyldy

<p>KEIPTAÝN. KAZINFORM &ndash; Ońtústik Afrıkanyń soltústik-batysyndaǵy Stılfonteın qalasyndaǵy qaraýsyz qalǵan shahtada júrgizilgen qutqarý operatsııasynyń alǵashqy úsh kúninde 78 zańsyz kenshiniń máıiti tabyldy, dep jazady <a href="https://www.aa.com.tr/ru/%D0%BC%D0%B8%D1%80/%D0%BD%D0%B0-%D1%88%D0%B0%D1%85%D1%82%D0%B5-%D1%81%D1%82%D0%B8%D0%BB%D1%84%D0%BE%D0%BD%D1%82%D0%B5%D0%B9%D0%BD-%D0%B2-%D1%8E%D0%B6%D0%BD%D0%BE%D0%B9-%D0%B0%D1%84%D1%80%D0%B8%D0%BA%D0%B5-%D0%BE%D0%B1%D0%BD%D0%B0%D1%80%D1%83%D0%B6%D0%B5%D0%BD%D1%8B-%D1%82%D0%B5%D0%BB%D0%B0-78-%D1%88%D0%B0%D1%85%D1%82%D0%B5%D1%80%D0%BE%D0%B2-%D0%BD%D0%B5%D0%BB%D0%B5%D0%B3%D0%B0%D0%BB%D0%BE%D0%B2-/3451780" target="_blank" rel="noopener">Anadoly</a>.</p>

13 qańtarda Stılfonteı shahtasynda bastalǵan qutqarý operatsııasynyń úshinshi kúninde 216 kenshi qutqaryldy, olardyń barlyǵy shahtada zańsyz bolǵan, dep habarlady Ońtústik Afrıka polıtsııasy qyzmeti (SAPS).

– Operatsııa barysynda 78 kenshiniń máıiti shyǵarylǵan, tiri qalǵan barlyq kenshiler ustaldy, – delingen habarlamada.

Operatsııa «kannıbalızm» aıyptarynan keıin bastalǵan. Ońtústik Afrıkanyń adam quqyǵyn qorǵaý boıynsha «Taý-ken ónerkásibinen zardap shekken qaýymdastyqtardy biriktirý» (MACUA) uıymy 3 qańtarda Stılfonteın shahtasynda qamalǵan kenshiler «ashtyqtan kóz jumǵan joldastarynyń denesin jep jatyr» degen shaǵymmen Konstıtýtsııalyq sotqa júgingen.

13 qańtarda Ońtústik Afrıka úkimeti Konstıtýtsııalyq sottyń sheshiminen keıin qutqarý operatsııasyn bastady.

Polıtsııa 2024 jyldyń qarashasynda qaraýsyz qalǵan Stılfonteın shahtasyna sý men azyq-túlik jetkizýdi toqtatqannan keıin, berilýden bas tartqan júzdegen kenshi ashtyq pen shólden zardap sheken.

Resmı derekterge sáıkes, 15 qańtardaǵy jaǵdaı boıynsha 1806 zańsyz kenshi Stılfonteın shahtasyn tastap shyǵyp ketken. Polıtsııa olardyń kópshiligi Mozambık azamattary ekenin aıtty.

Jergilikti bılik ókilderi kenshiler óz betimen shyǵa alǵanyn, al shahtada qalǵandar – quqyq qorǵaý organdary qamaýǵa almaýy úshin qoldanatyn taktıkasy ekenin habarlaǵan.

Ońtústik Afrıkada «zama-zama» dep atalatyn kenish almaz, altyn jáne platına sııaqty qundy mıneraldarǵa baı. Elde 10 000-nan 30 000-ǵa deıin adam zańsyz ken óndirýmen tikeleı aınalysady degen boljam bar. Tek zańsyz altyn óndirýdiń ózi el ekonomıkasyna jylyna orta eseppen 3,8 mıllıard dollar shyǵyn keltiredi eken.

Buǵan deıin Ulybrıtanııaǵa aǵylǵan mıgranttar nópiri tolastamaı turǵanyn jazǵanbyz.