Ońtústik Afrıkada tópelep jaýǵan qardan kólik qozǵalysy qıyndady

<p>ASTANA. KAZINFORM — 21 qyrkúıekte Ońtústik Afrıkada kútpegende qar jaýyp, birneshe tas jolda kólik qozǵalysy toqtap qaldy. Bul týraly <a href="https://www.france24.com/en/live-news/20240921-s-africa-snowfall-closes-roads-strands-motorists-overnight" target="_blank" rel="noopener">France 24</a> telearnasy habarlady.  </p>

Iohannesbýrg pen shyǵys jaǵalaýdaǵy Dýrban qalasyn baılanystyratyn N3 tasjoly jabylǵan. Keıbir aýdandarda eki metrge deıin qar jaýdy. Júrgizýshiler kólikte túneýge májbúr boldy.

Qutqarý jumystaryna tótenshe jaǵdaılar qyzmetimen qatar ásker de jumyldyryldy.

KvaZýlý-Natal provıntsııasynyń úkimeti qıyn jaǵdaıǵa tap bolǵan keıbir júrgizýshiler kórpe-jastyq pen azyq-túlik jetkizip bergen.

Jol qozǵalysyn basqarý korporatsııasynyń qoǵammen baılanys jónindegi qyzmetkeri júk kólikteri 20 qyrkúıekten beri jol jıeginde turǵanyn aıtqan.