Ońtústikten soltústikke kóshken turǵyndarǵa sharýashylyq jer beriledi

NUR-SULTAN. QazAqparat – QR Prezıdenti Qasym-Jomart Toqaev elimizdiń ońtústiginen soltústik óńirlerge qonys aýdarǵan turǵyndarǵa sharýashylyq jer bólý máselesin retteýdi tapsyrdy, dep habarlaıdy QazAqparat tilshisi.

«Kóshi-qon protsesteri de bizdiń eńbek naryǵymyzǵa úlken áser etip otyr. Qazaqstan – eńbek mıgranttaryn qabyldaý sany boıynsha TMD-daǵy ekinshi el. Bul saladaǵy problemalardy durys sheshý qajet. Úkimet kóshi-qon saıasatynyń jańa tujyrymdamasyn ázirleýi tıis. Onda, sondaı-aq shetelde jumys isteıtin azamattarymyzdyń quqyqtaryn qorǵaý tetikterin de kórsetý kerek», - dedi Qasym-Jomart Toqaev Parlament palatalarynyń birlesken otyrysynda.

Memleket basshysy ishki mıgratsııany yntalandyrýdy sharalaryn ártaraptandyrýdy da tapsyrdy.

«Úkimet eldiń ońtústiginen soltústigine qonys aýdarǵan azamattarǵa járdemaqy bólýdiń qoldanystaǵy tetigin qaıta formattaýy qajet. Atap aıtqanda, járdemaqyny tek ákimdikter arqyly ǵana emes, ońtústik óńirlerden óz betinshe jumys isteıtin jumys berýshilerdiń shyǵyndaryn óteý arqyly da berýge bolady», - degen Qasym-Jomart Toqaev osy joba aıasynda kásipkerlikti qoldaýdyń mańyzdy ekenin atady.

«Jeke bıznespen aınalysqysy keletin qonys aýdarýshylarǵa belsendi túrde kómektesý kerek. Sondaı-aq, olarǵa úı salý úshin ǵana emes, aýyl sharýashylyǵy qyzmeti úshin de jer ýchaskelerin berý múmkindigin qarastyrý, memlekettik baqylaý sharalaryna neǵurlym keń qol jetimdilikti qamtamasyz etý qajet», - dedi Prezıdent.